कोशी प्रदेशमा हिक्मत कार्कीले पाएनन् विश्वासको मत, एमाले मुख्यमन्त्रीविहीन

काठमाडौं । कोशी प्रदेशका मुख्यमन्त्री हिक्मतकुमार कार्की नेतृत्वको सरकार ढलेको छ । शुक्रबार बसेको प्रदेशसभा बैठकमा विश्वासको मत नपाएपछि काकीै नेतृत्वको सरकार ढलेको हो । प्रदेशसभा बैठकमा मुख्यमन्त्री कार्कीले विश्वासको मत मागेपछि सभामुख बाबुराम गौतमले मतविभाजन प्रक्रिया अघि बढाएका थिए ।

जसमा मुख्यमन्त्री कार्की नेतृत्व ४६ मत पर्यो भने, विपक्षमा ४३ मत पर्यो । कुल ९३ सदस्यीय प्रदेशसभाको आजको बैठकमा ८९ जना उपस्थित थिए । बहुमतका लागि ४७ मत आवश्यक पर्ने भएपनि कार्की नेतृत्वको सरकारले विश्वासको मत पाउनमा १ मतले चुकेको हो ।

कोशी प्रदेशसभामा एमालेका ४०, नेपाली कांग्रेसका २९, नेकपा माओवादीका १२, राष्ट्रिय प्रजातन्त्र पार्टीका ६, नेकपा एकीकृत समाजवादीका ४ र जसपाका १ जना सांसद छन् ।

यसअघि एमाले, माओवादीलगायतका दलहरुको समिकरण हुँदा एमालेले ४ वटा प्रदेशमा मुख्यमन्त्री पाएको थियो भने, माओवादीले २ वटा र जसपाले १ वटा प्रदेशमा मुख्यमन्त्री पाएका थिए । एमालेसँगको सकिरण फेरिएपछि माओवादी र जसपा नेतृत्वको प्रदेश सरकार यथावत नै छ, भने एमालेले पाएको ३ वटा प्रदेश सरकार पहिल्यै ढलिसेका थिए, भने कोशी प्रदेशमा रहेको हिक्मतकुमार कार्की नेतृत्वको सरकारले आज विश्वासको मत पाउन सकेन् । याे सँगै एमाले अब मुख्यमन्त्रीविहीन बनेकाे छ ।