सिके राउत जनीतिमा आउँछु भन्दा अन्य नेताको रुवावासी: प्रम ओली

विराटनगर । प्रधानमन्त्री केपी शर्मा ओलीले विखण्डन, पृथकतावादी सोच विचार भएको सङ्गठन अब नेपालमा समाप्त भएको बताउँदै सिके राउत राजनीतिमा आउँछु भनेपछि ११ बुँदे सहमती गरेको बताएका छन् । उनले भने, ’संविधानलाई स्वीकार गरी सक्रिय राजनीतिमा सिके राउत आउँछु भन्दा अन्य नेताको रुवावासी र छाती पिट्नु के उद्देश्य हो ?। ’’

सोही क्रममा प्रधानमन्त्री ओलीले उपयुक्त समयमा मन्त्रिमण्डलले पूर्णता पाउने बताए् । विराटनगर विमानस्थलमा आज कुरा गदै उनले रिक्त रहेका मन्त्रालयमा अब पुनःगठन नभइ पूर्णता प्रदान गरिने बताए । उनले विप्लव समूह हत्या हिंसा, लुटपाट, तोडफोड गर्ने एउटा समूहमात्र भएकोले त्यो गतिविधि बन्देज गर्न रोक लगाएको बताए ।

उनले सरकारको निकायमा दर्ता गरेको संस्थालाई मात्र प्रतिबन्ध लगाइने र कसैले नचिन्ने, कहीँ कतै दर्ता नभएको, अनाधिकृत विप्लव समूह एउटा मात्र झुण्ड भएकाले त्यसको गतिविधि नियन्त्रण गर्न रोक मात्र लगाएको बताए ।
उनले विप्लव समूहलाई आह्वान गर्दै भने, “सरकार ठट्टा गर्दैन हत्या हिंसा, आतङ्क सिर्जना गरी जनतामा आतङ्कित गर्ने समूहलाई निषेध मात्र होइन नियन्त्रण पनि गर्छ ।

प्रधानमन्त्री ओलीले भने, ’विप्लव समूहलाई निषेध गर्दा नेपालका लोकतान्त्रिक पार्टीका नेताको रुवावासी किन भन्दै इतिहासमा जवाफ दिने कुरा गर्नुहुँदैन ।उनले विप्लव समूहको कुनै एउटा पनि माग सभ्य लोकतान्त्रिक समाजले सुन्न सक्ने खालको नभएकोले अनुचित, गैरसंवैधानिक कार्य गर्न रोक लगाइएको बताए ।