विश्वकप फुटबल : कालेब यिरेनकीको गोलमा पानामालाई हराउँदै घाना विजयी

काठमाडौं । फिफा विश्वकप फुटबल प्रतियोगिताअन्तर्गत आज भएको समूह ‘एल’को खेलमा घाना विजयी भएको छ ।

क्यानडाको टोरन्टो स्टेडियममा केही बेरअघि सम्पन्न खेलमा घानाले पानामालाई १–० गोलअन्तरले पराजित गर्दै जित हासिल गरेको हो । कालेब यिरेनकीले गरेको एक गोल नै घानाको लागि निर्णायक गोल सावित भयो । उनले खेलको दोस्रो हाफको अतिरिक्त समयमा गोल गरे । यस जितसँगै घानाले शीर्ष तीन अंक जोडेको छ ।

समूह ‘एल’ मा तीन अंक जोडेको इङ्ग्यान्ड शीर्ष स्थानमा छ । समान तीन अंक नै बटुलेको घाना दोस्रो स्थानमा छ । अंकविहीन रहेका पानामा र क्रोएसिया तेस्रो र चौथो स्थानमा छन् । विश्वकपअन्तर्गत समूह ‘के’ को खेलमा अहिले नेपाली समय अनुसार ७ः४५ बजे उज्वेकिस्तान र कोलोम्बियाबीच प्रतिस्पर्धा हुँदै छ ।