नयाँ दिल्ली । भारतका परराष्ट्रमामिलाबारे जानकार रबिन्दर सचदेवले काश्मिरमा कुनै पनि तेस्रो पक्षको भूमिका नहुने भारतको अडान दोहोर्याएका छन् । अमेरिकी राष्ट्रपति डोनाल्ड ट्रम्पले कश्मीरमा मध्यस्थताको प्रस्ताव गरेको विषयमा बोल्दै उनले यस्तो टिप्पणी गरेका हुन् । समाचार आइतबार सचदेवले भने, ‘हाम्रो मामिलामा कुनै पनि तेस्रो पक्षको भूमिका छैन ।’
‘अमेरिका एक महाशक्ति हो र अमेरिकासँग भारतको राम्रो र रणनीतिक सम्बन्ध छ’, सचदेवले भने, ‘उहाँ (राष्ट्रपति ट्रम्प) शान्ति प्रवरद्धक बन्न चाहनुहुन्छ ।’ अमेरिकाले युक्रेन र गाजासँग मध्यस्थताको प्रस्ताव गरिरहेका थुप्रै उदाहरणमाथि प्रकाश पार्दै उनले भने, ‘यी अझै पनि शान्ति प्रक्रियामा पुग्न सकेका छैनन् ।’
सचदेवले भने, ‘उहाँले युक्रेनसँग खेलिरहनुभएको छ, जुन अझै पनि शान्ति ढाँचामा पुगेको छैन, गाजामा पनि शान्ति स्थापना हुन सकेको छैन ।’ ट्रुथ सोसलमा एक पोस्टमा ट्रम्पले अमेरिकाले मध्यस्थतामा शान्ति स्थापना गर्न सहयोग गरेको र काश्मिरको समाधानका लागि मध्यस्थता गर्ने प्रस्ताव गरेको दाबीलाई निरन्तरता दिएका छन् ।
भारतीय परराष्ट्रमामिलाविद् सचदेवले भने, ‘संयुक्त राज्य अमेरिकाले तपाईंलाई यो ऐतिहासिक र वीरतापूर्ण निर्णयमा पुग्न मद्दत गर्न सक्षम भयो, मलाई गर्व छ ।’ राष्ट्रपति ट्रम्पले लेखेका छन्, ‘म उनीहरूसँग छलफल नै नभए पनि म यी दुवै महान् राष्ट्रसँग व्यापारमा उल्लेख्य वृद्धि गर्न गइरहेको छु ।’
ट्रम्पले भनेका छन्, ‘यसबाहेक, कश्मीरको बारेमा कुनै समाधानमा पुग्न सकिन्छ कि भनी म तपाईहरूसँग काम गर्न चाहेको छु, भगवान्ले भारत र पाकिस्तानको नेतृत्वलाई राम्रो काम गर्न आशीर्वाद दिनुहोस् ।
भारतले पटक–पटक जम्मू–कश्मीरको विषयमा तेस्रो पक्षको हस्तक्षेपलाई अस्वीकार गर्दै आएको छ भने यो क्षेत्र भारतको अभिन्न अंग हो भन्ने स्पष्ट अभिव्यक्ति दिँदै आएको छ । सचदेवले भने, ‘भारत अमेरिकासँग बहुआयामिक रणनीतिक मोर्चामा सहकार्य गर्न आतुर छ ।’
उनले भारतले पाकिस्तानविरुद्ध चालेको कदमको प्रशंसा गर्दै भने, ‘विश्व र पाकिस्तानका लागि यो सन्देश गएको छ कि भारतको सिद्धान्त अब ‘टिट फर ट्याट’ को हुनेछ ।’
सचदेवले थपे, ‘मलाई लाग्छ कि यो भारतको तर्फबाट पनि राम्रो सामान्य ज्ञान हो, हामीले युद्धमा नफसेर आफ्नो आर्थिक शक्ति, हाम्रो व्यापक राष्ट्रिय शक्ति निर्माणमा ध्यान केन्द्रित गर्नुपर्छ ।’
अमेरिकी राष्ट्रपति ट्रम्पले दुई देश बीचको सम्भावित आणविक परिणामको उल्लेख गर्दै भने, ‘भारत र पाकिस्तानबीचको शत्रुता अन्त्य भएकोमा स्वागत गर्दै यदि शान्ति कायम नभएको भए लाखौँ मानिसको ज्यान जान सक्ने बताउनुभएको छ ।’
प्रतिक्रिया