दलित विधयेकमाथि छलफल

सुर्खेत । कर्णाली प्रदेश सभाको सामाजिक विकास समितिमा छलफलमा रहेको दलित समुदायको सशक्तिकरण र जीवनस्तर प्रवर्द्धन गर्ने सम्बन्धमा व्यवस्था गर्न बनेको विधेयकमाथि विज्ञको सुझाव तथा अन्तरक्रिया सम्पन्न भएको छ ।

बिहीबार ऋति फाउण्डेसनले युएनडीपी पीएसपीसँगको सहकार्यमा वीरेन्द्रनगरमा कार्यक्रम आयोजना गरेको हो ।
युवाहरु, सांसद (सांसद), नागरिक समाज र दलित अधिकारकर्मीहरू लगायत करिब ३५ सहभागीहरूको सहभागिता रहेको उक्त कार्यक्रम विधेयकका लागि विज्ञका सुझाव तथा अन्तरक्रियामा केन्द्रीत रहेको थियो ।

कार्यक्रममा विज्ञको रुपमा बसन्त बिकले विधयेकको लागि तीन महले ढाँचामा सुझाव प्रस्तुत गरेका थिए । प्रदेश सभा सदस्य विन्दमान विष्टले विधयेकलाई जतिसक्दो छिटो पुनर्लेखन र पारित गर्नुपर्नेमा जोड दिए । प्र

देश सभा सदस्य पूर्णबहादुर खत्रीले विधेयक पारित गराउन सहजीकरण गर्ने प्रतिबद्धता व्यक्त गर्दै भने, ‘मैले यो विधेयकको आवश्यकता देखेको छु र यसलाई कानून बन्नका लागि आवश्यक सबै प्रयास गर्नेछु ।’ कर्णाली प्रदेश सभाका पूर्वसांसद राजु नेपालीले सानातिना मुद्दाका कारण बारम्बार मन्त्रिपरिषद्को ढिलाइलगायत विधेयकले भोग्नुपरेको चुनौतीबारे बताए ।

कर्णाली प्रदेश सभा सदस्य कल्याणी खड्काले विधेयकमा आफ्नो लामो समयदेखि समर्थन रहेको बताउँदै यसलाई संशोधन र पारित गराउन सहयोग गर्ने वाचा गरिन् । उनले भनिन्, ‘मैले सधैँ यस विधेयकको पक्षमा छु र यसलाई परिमार्जन र लागू गर्न सामूहिक रूपमा काम गर्नेछु ।’ दलित सरोकारवालाहरुले पनि विधेयकको सफल कार्यान्वयनको आशा व्यक्त गरे ।