बारेकोटमा १७ महिनाकी बालिकाको जलेर मृत्यु

आठबिसकोट । जाजरकोट जिल्लाको बारेकोट गाउँपालिकामा एक बालिकाको आगोमा जलेर मृत्यु भएको छ । आइतबार बारेकोट गाउँपालिका– ९ खारीगाउँका स्थानीय गोपाल जैसीकी १७ महिनाकी छोरी नतासाको जलेर मृत्यु भएको हो ।

खाना पकाउने कोठामा सुतेकी उनी एक्कासी चुल्होमा परेर गम्भीर घाइते भएकी थिइन् । उनको रुकुम पश्चिमस्थित मिसन अस्पताल चौरजहारीमा उपचारका क्रममा मृत्यु भएको प्रहरीले जनाएको छ ।

जिल्ला प्रहरी कार्यालय जाजरकोटका प्रमुख डीएसपी सन्तोषकुमार रोकाका अनुसार घरमा कोही नभएको बेला उनी ओछ्यानबाट चुल्होमा परेकी थिइन् ।

अर्जुन बिष्ट

रुकुम पश्चिम