चिच्याउदै संसदभित्र ‘कराएको’ सम्झेँ
संसदीय व्यवस्थानै ‘गनाएको’ सम्झेँ ।
प्रगति र सम्बृद्धिको खाका कोर्ने बेला
गन्तव्यमा पुग्ने बाटो ‘बिराएको’ सम्झेँ ।
भ्रष्ट नेता समाउँदा सत्ता गुम्ने डर
बिडम्बना ! ठूलो माछो ‘हराएको’ सम्झेँ ।
सम्बृद्धिको नाम जप्दै अघि बढ्ने बेला
नष्ट गर्न प्रमाणहरू ‘चपाएको’ सम्झेँ ।
सडकभरि बिरोधका अनगिन्ती स्वर
सबैमिली भ्रष्ट खोज्न ‘डराएको’ सम्झेँ ।
कस्तो नियत भोग्नु कठै सङ्कटको बेला
नेपालीको स्वाभिमान ‘गिराएको’ सम्झेँ ।
गर्ने भन्ने कोही छैनन् गफमात्र ठूला
सांसद भवनभित्र नाटक ‘देखाएको’ सम्झेँ ।
देश डुब्न लाग्योभनि कराउँदैछन् जनता
धेरै मन्त्री कमिसनमा ‘रमाएको’ सम्झेँ ।
अति भयो आशा गरौँ खुल्छ कि त चेत
खोई किन तिनै नेता मन ‘पराएको’ सम्झेँ ।
विकासगरी सम्बृद्धिको खाका कोर्ने बेला संघियताको धज्जी किन ? ‘उडाएको’ सम्झेँ
केमा विश्वास गर्नु र खै ! केमा भर पर्नु ?
भ्रष्टाचार गर्नेहरूलाई ‘बचाएको’सम्झेँ ।
चिच्याउदै संसदभित्र “कराएको” सम्झेँ
संसदीय व्यवस्थानै “गनाएको”सम्झेँ ।।
प्रतिक्रिया