दिल्ली । दिल्ली पुलिसका केही अधिकारी आइतबार कांग्रेसका पूर्व अध्यक्ष तथा सांसद राहुल गान्धीको घर पुगेका थिए । जसका कारण राजनीतिक तापक्रम बढेको छ । कांग्रेसले दिल्ली प्रहरी र केन्द्र सरकारविरुद्ध मोर्चा खोलेको छ । प्रहरी टोली राहुल गान्धीको घर पुगेपछि पार्टीका नेताहरू त्यहाँ भेला हुन थाले । राजस्थानका मुख्यमन्त्री अशोक गहलोत र अन्य नेताहरूले केही समयपछि पत्रकार सम्मेलन गरेर केन्द्र सरकारमाथि गम्भीर आरोप लगाए । कांग्रेसले अदानी मुद्दामा केन्द्र सरकार ‘नर्भस’ भएको आरोप लगाएको छ । यदि महिलाको सुरक्षाको चिन्ता छ भने भारत जोडो यात्रा सकिएको ४५ दिन बितिसक्दा किन प्रश्न उठ्यो ?’
यसैबीच भाजपाले पनि यसबारे प्रतिक्रिया दिँदै प्रहरीलाई सूचना सङ्कलन गर्ने अधिकार रहेको बताएको छ । दिल्ली पुलिसका अनुसार भारत जोडो यात्राका क्रममा ‘राहुल गान्धीले ती महिलाहरूलाई न्याय दिन सकून् भनेर हामी बलात्कार पीडितहरूको बारेमा विस्तृत जानकारी माग गर्न आएका हौँ।’
राहुल गान्धीले भारत जोडो यात्रामा महिलामाथि हुने यौन उत्पीडनको मुद्दा उठाएका थिए । प्रहरी टोली राहुल गान्धीको घर पुगेपछि त्यहाँ पत्रकारहरू पनि जम्मा भएका थिए । विशेष आयुक्त (कानून र व्यवस्था) सागर प्रीत हुड्डाले पत्रकारहरूलाई भने ‘हामी ३० जनवरीको भारत जोडो यात्राका क्रमामा श्रीनगरमा महिला हिंसाको कुरा उठाउनु भएको थियो । उहाँ त्यहाँ धेरै महिललासंग भेटेको र ती महिलाहरूले आफूमाथि बलात्कार भएको बताएको उहाँले भन्नुभएको थियो। हामी ती महिलालाई कानुनी दायरामा ल्याउन सकियास् भनेर विस्तृत जानकारी लिन आएको हुँ ।’
त्यसको दुई घण्टापछि हुड्डाले भने, ‘दिल्ली पुलिसले राहुल गान्धीसँग बैठक गरेको छ । हामीले उहाँसँग मागेको जानकारी उहाँले हामीसँग साझा गर्नुहुन्छ । उहाँलाई सूचना दिइएको छ, उहाँको कार्यालयबाट सूचना प्राप्त भएको छ।’
राहुल गान्धीको घरमा प्रहरी पुगेपछि कांग्रेस नेताहरू केन्द्र सरकारमाथि आक्रोशित बनेका छन् । कांग्रेस नेताहरूले प्रश्न गरेका छन् ‘यदि राहुल गान्धी नोटिसको जवाफ दिइरहेका छन् भने पुलिस उनको घरमा किन आयो ?’
कांग्रेसले ट्वीट गर्दै भन्यो , ‘भारत जोडो यात्रा र राहुल गान्धीले लाखौं महिलाहरूलाई स्वतन्त्र रूपमा हिँड्न, आफ्नो आवाज उठाउन र उनीहरूको पीडा व्यक्त गर्नको लागि सुरक्षित मार्ग प्रदान गरेको छ। दिल्ली पुलिसको यो नौटंकीले अदानी मामिलामा राहुलको प्रश्नले मोदीजीलाई कत्ति स्तब्ध बनाएको छ भनेर बताउँदैछ। यो उत्पीडनले यस विषयमा जवाफ पाउने हाम्रो दृढ संकल्पलाई बलियो बनाउँछ।’
कांग्रेसको आरोप
पार्टीले दिल्लीस्थित कांग्रेस मुख्यालयमा पत्रकार सम्मेलन गरी यो विषय उठाएको हो । यस पत्रकार सम्मेलनमा राजस्थानका मुख्यमन्त्री अशोक गहलाउत, वरिष्ठ नेता जयराम रमेश र अभिषेक मनु सिंघवी उपस्थित थिए ।
उनले भने, ‘राहुलविरुद्ध वातावरण बनाउन बदलाको भावनामा यो कदम चालिएको हो । राहुललाई बदनाम गर्न धम्की र उत्पीडनको सहारा लिइएको छ।’ राजस्थानका मुख्यमन्त्री अशोक गहलोतले भने, ‘उनीहरू (पुलिस) गृह मन्त्रालय र माथिको निर्देशन बिना यहाँ पुग्न सम्भव छैन। जब राहुल गान्धीले आफूलाई सूचना प्राप्त भएको बताउनुभयो, उनले यसको जवाफ दिनेछन्, तर पनि किन आयो पुलिस ।’
उनले भने, ‘यहाँसम्म आउने हिम्मत पुलिसलाई कसरी भयो । सिङ्गो देशले उनीहरुको काम हेरिरहेको छ। देशले माफ गर्दैन । आजको कारबाही एकदमै गम्भीर छ । कसैले छानबिन गर्न मान्दैनन्।’ कांग्रेस प्रवक्ता पवन खेडाले भने, ‘हामी नियम अनुसार घटनाक्रमको जवाफ दिन्छौं, तर यसरी आउनु कत्तिको सहि हो ? भारत जोडो यात्रा सकिएको ४५ दिन भयो, आज सोधिरहेका छन् । यसले सरकार आत्तिएको देखाउँछ ।’ यसैबीच कांग्रेसका सञ्चार इन्चार्ज जयराम रमेशले पनि प्रहरीको आगमनको आलोचना गरेका छन् ।
प्रतिक्रिया