काठमाडौं । नेपाल बार एसोसियसनको लगातारको आन्दोलनबीच प्रधानन्यायाधीश चोलेन्द्र शमशेर राणा (जबरा) ले दोस्रो पटक आजको लागि न्याय सेवा आयोगको बैठक बोलाएका छन् ।
यसअघि गत ६ पुसमा बोलाइएको बैठक बस्दै नबसी स्थगित भएको थियो । तर, नेपाल बारको असहमतिका बाबजुत प्रधानन्यायाधीश जबराले आज दिउँसो २ बजेको लागि बैठक बोलाएका हुन् ।
प्रधानन्यायाधीश अध्यक्ष रहने आयोगमा न्याय तथा संसदीय मामिलामन्त्री दिलेन्द्रप्रसाद बडु, सर्वोच्च अदालतका वरिष्ठतम न्यायाधीश दीपककुमार कार्की, महान्यायाधिवक्ता खम्मबहादुर खाती र लोक सेवा आयोगका अध्यक्ष माधव रेग्मी सदस्य रहने व्यवस्था रहेको छ । तर, कानूनमन्त्री बडु कोरोना संक्रमण भएपछि आइसोलेसनमा बसेका छन् ।
अध्यक्ष र अन्य २ जना सदस्य उपस्थित रहेमा गणपूरक संख्या मानिने र बहुमतले निर्णय गर्न सकिने न्याय सेवा ऐन २०७३ मा उल्लेख छ ।
खुल्ला प्रतिस्पर्धाबाट आएका जिल्ला न्यायाधीशको नतिजालाई अनुमोदन गरेर अन्तर्वार्ता समिति गठन गर्ने कार्यसूची आजको बैठकको छ ।
प्रतिक्रिया