अर्थबजार

सिटिजन्स बैंक र होटल सिटीपार्कबीच सम्झौता

सौर्य अनलाइन २०७८ मंसिर १८ गते १९:३० मा प्रकाशित

काठमाडौं । सिटिजन्स बैंक इन्टरनेसनल लिमिटेड र होटल सिटीपार्क प्रालि जनकपुरबीच सिटिजन्स बैंकको कार्डवाहकलाई विशेष छुट दिने सम्झौता भएको छ । सो समझदारी पछि बैंकका कार्डवाहकले होटल सिटीपार्क प्रालिको सेवा सुविधामा विशेष छुट पाउनेछन् । यस किसिमको सहकार्यबाट बैंकका ग्राहक लाभान्वित हुने विश्वास बैंकले लिएको छ ।

हालसम्म बैंकको कार्ड नभएका ग्राहकलाई पनि तत्कालै नयाँ कार्ड उपलब्ध गराउन बैंकले इन्स्ट्यान्ट कार्डको व्यवस्था गरेको छ । मोबाइल बैंकिङमार्पmत खानेपानी, बिजुली तथा इन्टरनेटको बिल भुक्तानी, प्रिपेड तथा पोस्टपेड मोबाइल बिल भुक्तानी र मुद्दती खाताको आवेदन दिन सक्नेलगायतका व्यवस्था गरेको जानकारी बैंकले गराएको छ ।

बैकले मुलुकभर फैलिएका आफ्ना १ सय ७४ शाखा, १ सय २३ एटीएम र १ सय १४ वटा शाखारहित बैंकिङ इकाइबाट करिब १२ लाख ५० हजार ग्राहकवर्गलाई आधुनिक बैंकिङ सेवाहरू प्रदान गर्दै आएको छ । बैंकले चेकको प्रयोग नगरी आफ्नो मोबाइल बैंकिङ एपमा लगइन गरेर काउन्टरमा भएको क्यूआर कोड स्क्यान गरी खाताबाट रकम झिक्न स्क्यान एन्ड विड्र सेवा, मोबाइल बैंकिङको पिन नम्बर बिर्सेमा बैंकको शाखामा गएर निवेदन दिने झन्झटबाट मुक्त हुन घरबाटै पिन रिसेट गर्न सकिनेजस्ता सेवाहरूको थालनी गरेको छ ।

प्रतिक्रिया

पछिल्ला अपडेट्स

लोकप्रिय