खोजखबर

गोङ्गबु हत्याकाण्डकी अभियुक्त कल्पनालाई आजीवन जेल सजायको फैसला

सौर्य अनलाइन २०७७ फागुन १९ गते १४:५७ मा प्रकाशित

काठमाडौं । केही महिना अगाडि गोङ्गबु हत्याकाण्डकी मुख्य अभियुक्त कल्पना मुडभरी पौडेललाई जिल्ला अदालत काठमाडौंले आजीवन जेल सजायको फैसला गरेको छ । कल्पनालाई यही फागुन १३ गते अदालतले आजीवन कारावासको सजाय सुनाएको हो ।

अभियुक्त कल्पनालाई जिल्ला अदालतले अपराधी ठहर गर्दै आजीवन जेल सजायको फैसला गरेको अदालत स्रोतले जनाएको छ । जिल्ला अदालतका न्यायाधीश राजेन्द्र अधिकारीको इजलासले उक्त फैसला गरेको हो । तर, सोही घटनामा संलग्न भएको आरोपमा पक्राउ परेकी उनकी छोरीलाई भने सफाइ दिएको बताइएको छ ।

गत महिना साउन २५ गते गोङ्गबुमा  दाङ घर भएका कृष्ण बहादुर बोहराको शरीर र टाउको छुट्टिएको अवस्थामा शव भेटिएको थियो । बोहराको घाँटी रेटी हत्या गरेर सुटकेशमा हाली खोलामा फालिएको अवस्थामा शव भेटिएको थियो ।

दाङका ४५ वर्षीय कृष्ण बहादुर बोहरा र चितवनकी ३७ वर्षीय कल्पना मुडभरीबीच प्रेमसम्बन्ध रहेको तर सम्बन्धमा उतारचढाव आएपछि बोहराको हत्या गरेको कल्पनाले अदालतसमक्ष स्वीकार गरेकी थिइन् ।

प्रतिक्रिया

पछिल्ला अपडेट्स

लोकप्रिय