शान्ति श्री र कुमारको ‘फोटो साटेको’ सार्वजनिक

काठमाडौँ । ‘बोल माया’ र ‘गलबन्दी’ गीतबाट थप चर्चामा रहेकी गायिका शान्ति श्री परियार र गायक कुमार ओखलढुंगेको आवाजमा रहेको लोकदोहोरी गीत ‘फोटो साटेको’ बजारमा आएको छ । गायक कुमार र खेम राना मगरको उक्त गीतमा शब्द सृजना रहेको छ भने कुमारकै संगीत रहेको छ ।

त्यस्तै डोलराज बाह्रघरेको संगीत संयोजन रहनुका साथै कुमार रानाले मिक्सिङ गरेका हुन् । सोही गीतको भिडियो सुपारी म्युजिकको युट्युब च्यानलमार्फत सार्वजनिक गरिएको छ । सोही भिडियोमा निर्देशक प्रकाश भट्टाको निर्देशन रहेको छ भने राजेश घिमिरेले छायांकन गरेका छन् ।

गायक कुमार ओखलढुंगे र रुपा कंडेलद्वारा अभिनित उक्त भिडियो बिष्णु शर्माले सम्पादन गरेका हुन् । माया प्रेम बिषयवस्तुका आधारमा गीत तयार गरिएर बजारमा ल्याएको गायक एवं मोडल ओखलढुंगेले जानकारी दिए ।