कृष्णको ‘कोही न कोही’ सार्वजनिक

काठमाडौं । गायक कृष्ण लामाको आवाज रहेको आधुनिक गीत ‘कोही न कोही’ सार्वजनिक भएको छ । जोन छन्त्याल्को भाषा संकलन, रमेशराज भट्टराईको संगीत रहेको उक्त गीतको र भिडियो हाइलाइट्स नेपालले बजारमा ल्याएको हो ।

जापानको विभिन्न रमणीय स्थलमा सुटिङ गरिएको उक्त गीतको भिडियो युट्युबमार्फत सार्वजनिक गरिएको हो । गीतको भिडियोमा गायक स्वयं लामा, परिधि झा, आरोही सुवेदी र लाभान्सी कार्कीको अभिनय छ । जापान बस्दै आएका गायक कृष्णको यो पहिलो गीत हो । गीतमा मानिसको जीवनमा कोही न कोहीको साथ र सहयोग चाहिने विषयलाई प्रस्तुत गरिएको गायक लामाले बताए ।