ब्राजिल क्वार्टरफाइनलमा

एजेन्सी,अमेरिका । पेरुको पोस्टमा पाँच गोल हान्दै ब्राजिल कोपा अमेरिकाको क्वार्टरफाइनलमा पुगेको छ । साओ पाउलोमा हात पारेको जितसँगै ब्राजिल समूह विजेता बन्दै अन्तिम आठमा स्थान बनाउन सफल भएको छ । ब्राजिलका लागि १२औँ मिनेटमा कासिमिरोले गोल गर्दै अग्रता दिलाएका थिए । १९औँ मिनेटमा रोबर्टो फिरमिनोले गोल गरे ।

त्यस्तै । ३२औं मिनेटमा एभर्टनले गोल गर्दै ब्राजिललाई पहिलो हाफअघि ३–० को अग्रता दिलाए । ५३औं मिनेटमा डानी एलभेसले र ९०औँ मिनेटमा विलियनले गोल गरेपछि पेरु पराजित भयो । तीन खेल सकिँदा चार अंक बनाएको पेरुको उत्कृष्ट उपविजेता बन्दै नकआउट चरणमा पुग्ने सम्भावना कायमै छ । बेलिभिलाई ३–१ ले हराउँदै भेनेजुएला पनि क्वार्टर फाइनलमा पुगेको छ ।

बोलिभियालाई हराएपछि भेनेजुएला समूह एको उपविजेता बनेको छ । भेनेजुएलाको जितमा डार्विन माचिसले दुई गोल गरे । उनले दोस्रो र ५५औँ मिनेटमा गोल गर्दै भेनेजुएलालाई अग्रता दिलाएका थिए । ८२औँ मिनेटमा जस्टिनियानोले बोलिभियाका लागि गोल गर्दै अग्रता २–१ मा झारे । तर ८६औँ मिनेटमा जोसेफ मार्टिनेजले गोल गरेपछि भेनेजुएला विजयी भयो ।