एनटिभी प्लसमा ‘कुरा मात्र भो’

काठमाडौं । एनटिभी प्लसमा हाँस्य सिरियल ‘कुरा मात्रै भो’ प्रसारण हुन थालेको छ । यो हाँस्यशृंखला हरेक शुक्रबार साँझ ८ बजेदेखि प्रसारण हुने निर्माण पक्षले जनाएको छ । उक्त सिरियललाई अर्जुन गौतम र भोला अधिकारीले निर्देशन गरेका छन् । जेसिका इन्टरटेन्मेन्टको ब्यानरमा निर्माण भएको उक्त टेलिसिरियलमा समसामयिक घटना र समाजका राम्रा, नराम्रा विषयलाई समेत हाँस्य खुराकको रूपमा पस्किने निर्देशकद्वयले जनाएका छन् ।

निर्देशक गौतमका अनुसार सिरियलमा कमेडी र राजनीति विषयवस्तुलाई मुख्य आधार बनाइएको छ । उक्त सिरियलमा उत्तम अर्याल ‘कोदे’, लक्ष्मण चौलागाई, जयराम सापकोटा, धर्मराज आचार्य ९स्याल बुढो०, भोला अधिकारी, दिनेश तामाङ, पनिशा कार्की, सुमित्रा रिमाल, रामचन्द्र थापा लगायतका नयाँ तथा पुराना पुस्ताका कलाकारको अभिनय छ । कलाकार भोला अधिकारी उक्त सिरियललाई दर्शकले मन पराइदिनेमा आफू विश्वस्त रहेको बताउँछन् ।

सिरियलमा साहित्यकार सनत आचार्यको कथा एवं पटकथा रहेको छ । रामचन्द्र थापाको प्रस्तुति रहेको यस सिरियललाई कमल श्रेष्ठले निर्माण गरेका हुन् । जसमा जनकराज अधिकारीको छायांकन, राज श्रेष्ठको सम्पादन रहेको छ । राजु श्रेष्ठ कार्यकारी निर्माता रहेको यो सिरियललाई युट्युबमा समेत हेर्न पाइने निर्माण पक्षले जनाएको छ ।