‘घर’ को ट्रेलर

काठमाडौं । डिएस डिजिटलको ब्यानरमा निर्माण भएको चलचित्र ‘घर’ को ट्रेलर सार्वजनिक गरिएको छ ।

युट्युबबाट सार्वजनिक गरिएको ट्रेलरमा एउटा घरको कथालाई देखाइएको छ । अर्पण थापाको लेखन तथा निर्देशनमा बनेको उक्त चलचित्रलाई शर्मिला पाण्डेले निर्माण गरेकी हुन् । हरर जनरामा बनेको उक्त चलचित्रको सार्वजनिक ट्रेलर हेर्दा डर लाग्छ ।

नेपालमा हरर जनरामा त्यत्ति राम्रा चलचित्र बन्न सकिरहेका छैनन् । यस्तो अवस्थामा यो ट्रेलरले दर्शकमा भने उत्सुकता जगाएको छ । एउटा घरमा बसेका श्रीमान् श्रीमतीले त्यो घरमा भोगेको आत्मासँगको कथालाई चलचित्रमा उधिनिएको छ ।

चलचित्रमा अर्पण थापा, अभिनेत्री सुरक्षा पन्त, बेनिशा हमाल लगायतका कलाकारको मुख्य भूमिका छ । आगामी ३ साउनदेखि देशव्यापी प्रदर्शनमा आउने तयारीमा रहेको यो चलचित्रको सम्पादन मिलन श्रेष्ठले गरेका छन् । निरज कँडेलको छायांकन रहेको यो चलचित्रमा सन्तोष अधिकारीको सहलगानी रहेको छ ।