काठमाडौं । मोडल तथा अभिनेत्री झरना बज्राचार्यले विदेशी ब्वाईफ्रेण्डसँग विहे गरेकी छिन् ।
उनले गत बिहीबार (मार्च १२) राहुल अग्रवालसँग आफ्नो परम्पराअनुसार विहे गरेकी हुन् ।
झरनाले सीतापाईलास्थित आफ्नै निवासमा विहे गरेको लक्सलिम्वु डटकमले जनाइएको छ ।
फिल्म शूटिङ्का क्रममा साढेतीन वर्षअघि मलेसियामा भएको भेटमा झाँगिएको प्रेमलाई झरनाले विहेमा परिणत गरेकी हुन् ।
भारतीय मुलका मलेशियन नागरिक राहुल र उनको परिवारले क्वालालम्पुरमा रेष्टुरेन्टको व्यवसाय गर्दै आएको छ ।
झरना र राहुलको विहेमा नजिकमा परिवार र साथीहरूको मात्रै सहभागिता थियो ।
झरना र राहुलले विहेको पार्टी भने सोल्टी होटेलमा दिएका थिए ।
मार्च १३ अर्थात गत शुक्रबार झरना ३४ वर्षमा टेक्नुअघि विहे गरेकी हुन् ।
हनिमुन मनाउन हिँडेको झरना र राहुलको जोडी पोखराको होटेल बाराहीमा बसेको थियो ।
त्यसपछि यो जोडी जोमसोमतर्फ लागेको छ ।
प्रतिक्रिया