खोजखबर

‘एकलौटी निर्वाचन गराए प्रतिकार गछौं’

सौर्य अनलाइन २०७० जेठ २५ गते ७:२३ मा प्रकाशित

Ram

काभ्रे २५ जेठ । नेकपा–माओवादीका महासचिव रामबहादुर थापाले असन्तुष्ट राजनीतिक दलहरुलाई सहमतिमा नल्याई एकलौटी निर्वाचन गरे त्यसको प्रतिकार गर्ने चेतावनी दिएका छन् ।
काभ्रेमा आज (शनिबार) आयोजित नेपाल तामाङ राष्ट्रिय मुक्ति मोर्चाको प्रथम राष्ट्रिय यूवा भेला तथा प्रशिक्षण कार्यक्रममा थापालो जबर्जस्त निर्वाचन गरे सशक्त प्रतिकारमा उत्रिन पार्टी निकट यूवाहरुलाई निर्देशन दिए ।
‘चुनाव गराउनु भनेको नेपाललाई सिक्किमिकरण गर्नु हो,’ उनले भने, ‘सिक्किमिकरणबाट रोक्नपनि निर्वाचन गर्नुहुन्न ।’
खिलराज रेग्मी नेतृत्वको सरकारले राजीनामा दिए सहमतिको वातावरण बन्ने उनको भनाई छ । महासचिव थापाले राजनीतिक सहमतिमा नयाँ दलीय सरकार गठन गर्नुपर्ने बताए ।
‘चार दलका नाममा पेलेरै निर्वाचन हुन सक्ने भए आजसम्म निर्वाचनको मिति घोषणा भैसक्ने थियो,’ थापाको टिप्पणी गरे, ‘निर्वाचनको मिति घोषणा गर्नै धौ–धौ भएको सरकारले निर्वाचन गराउँनै सक्दैन ।’

प्रतिक्रिया

पछिल्ला अपडेट्स

लोकप्रिय