रंग‍-विविध

सनाको पक्षमा सलमान

सौर्य अनलाइन २०७० जेठ ११ गते २३:२२ मा प्रकाशित

salman-and-Sana-souryadailyमुम्बई १२ जेठ । आफ्नी नयाँ हिरोइन सना खानको बचाउमा उत्रनु अहिले बलिउडका दबंग सलमान खानको दिनचर्या बनेको छ । मुम्बई पुलिसले सना खानको पक्राउ पुर्जी जारी गरेपछि सलमानको दिनचर्या यस्तो बनेको छ । प्रहरीले १५ वर्षीय बालिका अपहरणको आरोपमा सनाको विरुद्ध पक्राउ पुर्जी जारी गरेको हो । यो घटनालाई लिएर भारतीय सञ्चार माध्यममा लगातार रिपोर्टहरू सार्वजनिक हुन थालेपछि सलमान सनाको पक्षमा देखिएका हुन् ।
हिजो आज सना खानबारे केही कुरा सार्वजनिक भयो भने त्यसमा सलमान खानको समेत नाम जोडिने गरेको छ । सलमान खानले सञ्चालन गरेको रियालिटी सो बिग बोस–६ मा सना खानले भाग लिएकी थिइन् । त्यसो त सलमान खानको होम प्रोडक्सनमा निर्माण हुँदै गरेको चलचित्र ‘मेन्टल’ मा पनि सना मुख्य भूमिका छिन् ।
‘सना अहिलेसम्म सफल भइसकेकी छैन, उनलाई पब्लिसिटीको जरुरत छैन । सनाले त्यस्तो केही गरेकी छैनन् होला । उनीबारे गलत अफवाह फैलाइँदै छ ।’ सनाको पक्षमा सलमानले पछिल्ला केही समयदेखि यस्तै ट्विट गर्दै आएका छन् । सलमानले मिडियाप्रति पनि असन्तुष्टि जनाएका छन् । उनले ट्विट गरेका छन्– ‘१५ वर्षकी बालिकाको अपहरण ? के का लागि ? त्यो पनि बेलुकी ४ बजे र धेरै मानिसको चहलपहल हुने स्थानबाट ? कसरी सम्भव छ ? बरु तपार्इंहरू प्रहरीमा उजुरी गर्नेविरुद्ध छानबिन गर्नूस् ।’
सनालाई बिग बसको घरमा आमदर्शकले देखिसकेको दलिलत दिदै सलमानले आफ्नो ट्विटरमा लेखेका छन्–  जेल कुनै बिगबसको घर होइन ।’

प्रतिक्रिया

पछिल्ला अपडेट्स

लोकप्रिय