कटौती गरेको बिजुली भारतले फेरि दियो

काठमाडौं : भारतले बुधबारमात्र कटौती गरेको ६० मेगावाट बिजुली बिहीबारदेखि पुन: दिएको छ ।
नेपाल विद्युत् प्राधिकरणका अनुसार भारतबाट नेपालमा १ सय ४५ मेगावाट विद्युत् आयात हुँदै आएकोमा रामनगर र दुहबी हुँदै आउने विद्युत्मा ६० मेगावाट कटौती भएको थियो । रामनगर–गण्डकबाट २५ मेगावाट विद्युत् आयात हुँदै आएकोमा बुधबार दिउँसोदेखि पूरै र दुहबी–कटैयामार्फत ७५ मेगावाट आयात हुने गरेकोमा ३५ मेगावाट कटौती गरेको थियो । भारतबाट विद्युत्कटौतीपछि चार घन्टा लोडसेडिङ थपिन लागेको समाचार सार्वजनिक भएलगत्तै भारतले पुन: विद्युत् दिएको हो । कटौती गरेको विद्युत् बिहीबारदेखि पुन: दिन थालेको प्राधिकरण भार प्रेषण केन्द्रकका प्रमुख भुवन क्षेत्रीले जानकारी दिए । (सौस)