‘थप्पड’ एमाओवादी अध्यक्ष दाहाललाई

काठमाडौं, १ मंसिर । एमाओवादी अध्यक्ष पुष्पकमल दाहाललाई पदम कुँवर नाम गरेका समर्थकले ‘थप्पड’ हानेका छन् ।
एमाओवादीले भृकृटीमण्डपमा आयोजना गरेको चियापान समारोहमा आएका बाग्लुङ घर भएका २५ वर्षीय कुँवरले दाहालालाई गालामा ‘थप्पड’ हानेको प्रहरीले जनाएको छ । ‘थप्पड’ हान्ने कुँवरलाई प्रहरीले नियन्त्रणमा लिएको छ ।
शुभकामनाका लागि लाईनमा रहेका कुँवरले दाहाललाई ‘थप्पड’ हान्नुको कारण खुलेको छैन । कुँवरले अध्यक्ष दाहाललाई ‘थप्पड’ हाने पछि एमाओवादीका समर्थकले उनलाई कुटपिट गरेका छन् । कुटपिटबाट कुँवर घाईते भएका छन् ।
एमाओवादीका कार्यकर्ताले कुँवरलाई कुटपिट गरे पछि रगत आएको थियो । एमाओवादीका कार्यकर्ताले कुँवरलाई कुटपिट गरे पछि प्रहरीले बचाएको थियो ।
एमाओवादीले नेपाल सम्वतका अवसरमा शुभकामना आदान प्रदान गर्न भृकुटीमण्डपमा चियापान समारोहको आयोजना गरेको थियो ।
यस अघि, कांग्रेस सभापति सुशील कोइरालालाई काठमाडौंको कपनमा आक्रमणको प्रयास भएको थियो । एमाले अध्यक्ष झलनाथ खनाललाई सुनसरीमा समर्थकले ‘थप्पड’ हानेका थिए भने एमाओवादीका नेता झग्गुप्रसाद सुबेदीलाई कोटेश्वरमा एक व्यक्तिले थप्पडा हानेका थिए ।