धनकुटा : धनकुटा–७ चुलीवन आराटन जंगलमा मंगलबार एक युवतीको शव फेला परेको छ । स्थानीय बिहान घाँस काट्न जंगल जाने क्रममा युवतीको शव देखेपछि प्रहरीलाई खबर गरेका थिए । जंगलभित्र रहेको खोल्सामा भेटिएकी अन्दाजी २५ वर्षीया युवतीको परिचय खुलेको छैन । तराईवासीजस्तो देखिने युवती दलित परिवारको हुनसक्ने प्रहरीले आशंका गरेको छ । उनलाई कसैले फकाएर जंगलमा ल्याएर हत्या गरेको हुनसक्ने प्रहरीको अनुमान छ । (सौस)
हतियारसहित दुई पक्राउ
रौतहट : सरमुजवा गाउँ नजिकैबाट प्रहरीले हतियारसहित दुईलाई पक्राउ गरेको छ । पक्राउ पर्नेमा वसन्तपटी–५ का ४५ वर्षीय छोटेलाल साह कानु र तेजापाकड ३ का ३० वर्षीय जगरनाथ महतो नुनिया छन् । पक्राउ परेकाबाट प्रहरीले १२ बोरको नलकटुवा पेस्तोल एक थान तथा सोको पाँच राउन्ड गोलीसमेत बरामद गरेको छ ।
पक्राउ परेकामध्ये छोटेलाल साह डाँका मुद्दामा ४ वर्ष १ महिना १५ दिन थुनामा बसेको तथा ६ भदौमा जयनगर–७ का ५५ वर्षीया रेहना खातुनलाई धारिलो हतियार प्रहार गरी हत्यामा संलग्न रहेको प्रहरीले जनाएको छ । (सौस)
प्रतिक्रिया