सौन्दर्यको कमाल

मुम्बई : नायिका सोनाक्षी सिन्हाको सुन्दरताको चर्चा यतिखेर बलिउडमा फेरि चुलिएको छ । चलचित्र सन अफ सरदारको एउटा गीतमा आकर्षक शृंगारसहित प्रस्तुत भएसँगै उनको चर्चा बढेको हो । चलचित्र आगामी नोभेम्बरमा रिलिज हुँदै छ । पटियालामा छायांकन गरिएको सो गीतमा उनलाई अजय देवगनले साथ दिएका छन् । यी दुवैले आफूहरूलाई यो गीत निकै मन परेको बताएका छन् । ‘यो गीत निकै भावात्मक भएकाले मेरो मन छोयो,’ सोनाक्षीले भनिन् ।
यही गीतको छायांकनका दौरान सोनाक्षीलाई एक ७० वर्षे वृद्धले आफ्ना नातिसँग विवाह गर्न प्रस्ताव गरेका थिए । प्रस्ताव अस्वीकार गर्दा पनि ती वृद्ध जान नमानेपछि सोनाक्षीले उनलाई पठाउन निकै मनाउनुपरेको थियो । सो गीतमा सोनाक्षी निकै राम्री देखिएकीले ती वृद्धले उनलाई विवाहको प्रस्ताव गरेको हुन् सक्ने चर्चा एजेन्सीले गरेका छन् । (एजेन्सी)