बढ्यो बैंकहरूको खराब कर्जा

काठमाडौँ । वाणिज्य बैंकहरूको खराब कर्जामा उच्चले वृद्धि भएको छ । गत आर्थिक वर्ष २०८०–८१ को दोस्रो त्रैमासमा औसत ३.२७ प्रतिशत रहेको खराब कर्जा चालु आर्थिक वर्ष २०८१–८२ मा औसत ४.३३ प्रतिशत पुगेको छ ।

चार वटा बैंकको खराब कर्जा ५ प्रतिशत माथि छ । कुल १४ वटा बैंकको यस्तो खराब कर्जा चार प्रतिशतभन्दा माथि छ । सबैभन्दा उच्च खराब कर्जा हुनेमा कुमारी बैंक अग्रस्थानमा छ। बैंकको यस्तो खराब कर्जा ६.९६ प्रतिशत छ। नेपाल इन्भेष्टमेन्ट मेगा बैंक, प्रभु बैंक, लक्ष्मी सनराइज बैंकको खराब कर्जा पाँच प्रतिशतभन्दा माथि छ ।