सिरहामा भन्सार छलेर ल्याएको ५३ बोरा प्याज र २४ बोरा आलु बरामद

सिरहा । सिरहामा प्रहरीले भन्सार छली गरेर ल्याई लुकाएर राखिएको प्याज र आलु बरामद गरेको छ । जिल्लाको माडरस्थित एक गोदामबाट भन्सार छलेर ल्याइएको प्याज र आलु प्रहरीले बरामद गरेको हो ।

सिरहा भन्सार कार्यालय माडर र सशस्त्र प्रहरी बल माडरको छेउमै रहेको गोदामबाट ५३ बोरा प्याज र २४ बोरा आलु बरामद गरेको जनाएको छ ।

गोदाममा भारतबाट अवैधरुपमा भन्सार छली तथा चोरी पैठारी गरी ल्याइएको तरकारी रहेको गोप्य सूचना पाएपछि प्रहरीले छापा मार्ने क्रममा ठूलो परिमाणमा आलु र प्याज फेला परेको प्रहरीले जनाएको छ ।

उक्त परिमाणको अवैध प्याज र आलुको मूल्य करिब दुई लाख रुपैयाँ बराबरको रहेको प्रहरीले जनाएको छ ।

प्रतिक्रिया