बझाङबाट काठमाडौं आउँदै गरेको बस कपिलवस्तुकाे देउराली मोडमा दुर्घटना

काठमाडौं । बझाङबाट काठमाडौं आउँदै बस कपिलवस्तुमा दुर्घटना भएको छ । ना ६ ख १३३९ नम्बरको बस आज विहान ५ बजे कपिलवस्तुको शिवराज नगरपालिका-३ देउराली मोडमा दुर्घटना भएको हो ।

दुर्घटनामा परी ६ जना घाइते भएको जिल्ला प्रहरी कार्यालय कपिलवस्तुले जनाएकाे छ । बसमा चालिस यात्रु सवार थिए ।

घाइतेहरूमा चार पुरूष र दुई महिला छन् । तीमध्ये एक पुरूष र एक महिलाको अवस्था मध्यम र अन्य चारजनाको अवस्था सामान्य रहेको बताइएकाे छ ।