प्रदेश–१ मा आज सार्वजनिक बिदा

विराटनगर । प्रदेश–१ मा आज सार्वजनिक बिदा दिइएको छ । प्रदेश–१ सरकारका मन्त्री शेखरचन्द्र थापाको निधनको शोकमा आज प्रदेश– १ मा सार्वजनिक बिदा दिइएको हो ।

प्रदेश सरकारले मन्त्री थापाको निधनको शोकमा राष्ट्रिय झण्डा आधा झुकाउने र एक दिन सार्वजनिक बिदा दिने हिजो निर्णय गरेको थियो ।

प्रदेशका वन, वातावरण तथा भूसंरक्षण मन्त्री थापाको हिजो उपचारका क्रममा विराटनगरको नोबेल मेडिकल कलेजमा निधन भएको थियो । उनी निमोनिया र डेँगीबाट ग्रसित थिए ।

मन्त्री थापा मोरङ क्षेत्र नम्बर ३ (१) मा प्रदेशसभातर्फ नेपाली कांग्रेसका उमेदवार थिए ।