काठमाडौँ । मन्जुश्री फाइनान्स लिमिटेडले मन्जुश्री फाइनान्सले निःशुल्क ‘इन्स्टा कोष स्थानान्तरण’ सेवा गरेको छ । कम्पनीले आफ्ना ग्राहकको डिजिटल बैंकिङ अनुभवलाई अझ प्रभावकारी, सहज र उत्कृष्ट बनाउने उद्देश्यले निःशुल्क इन्स्टा कोष स्थानान्तरण सेवा सार्वजनिक गरेको हो । उक्त सुविधाअन्तर्गत मन्जुश्रीको ‘मन्जुश्री स्मार्ट’ मोबाइल बैंकिङ अनुप्रयोगमार्फत अब एनपीएस (राष्ट्रिय भुक्तानी प्रणाली)मा आबद्ध बैंक तथा वित्तीय संस्थामा रहेका खातामा सहज रूपमा रकम स्थानान्तरण गर्न सकिने कम्पनीले जनाएको छ ।
अब मन्जुश्री फाइनान्सका ग्राहकले इन्स्टा कोष स्थानान्तरण भुक्तानी विकल्प छानी तुरुन्तै अन्य बैंक तथा वित्तीय संस्थाको खातामा रकम पठाउन सक्नेछन् । यो सेवा सुरु भएपछि डिजिटल कारोबारमा गति आउने विश्वास कम्पनीले लिएको छ ।
हाल मन्जुश्री फाइनान्सले २७ वटा शाखा र १ वटा विस्तार काउन्टरमार्फत आफ्ना १ लाख ५० हजारभन्दा बढी सन्तुष्ट ग्राहकलाई आकर्षक निक्षेप ब्याजदर र सुलभ कर्जा सेवा प्रदान गर्दै आएको छ । सेवाको पहुँच, ग्राहक सन्तुष्टि र प्रविधिको प्रभावकारी उपयोगका आधारमा मन्जुश्री फाइनान्स वित्तीय संस्थाहरूको अग्रणी श्रेणीमा पर्न सफल भएको छ ।
प्रतिक्रिया