काठमाडौं । गत बिहीबार भारतको अहमदावादमा एयर इन्डियाको विमान भयानक दुर्घटना हुँदा २४१ जनाको मृत्यु भयो । उक्त विमान दुर्घटनाले अहिलेसम्म पनि मृतकका आफन्तले शोक व्यक्त गरिरहेका छन् । दुर्घटनामा एयर होस्टेस मैथिली पाटिलले पनि ज्यान गुमाएकी छन् ।
‘हाम्री छोरीले कठिन परिस्थितिमा पढिन् र एयर होस्टेस बनिन्, यो दुर्घटनाले हामीलाई हल्लाएको छ’, मैथिली पाटिलकी एक घनिष्ठ साथीले यो कुरा बताइन् । मैथिली अहमदाबादमा दुर्घटनाग्रस्त एयर इन्डियाको विमानकी चालक दलकी सदस्य थिइन् । बिहीबार भएको विमान दुर्घटनामा उनको पनि मृत्यु भएको छ ।
अहमदाबादमा भएको सो विमान दुर्घटनामा २४१ जनाको मृत्यु भयो । एयर इन्डियाले भनेको थियो कि विमानमा यात्रु र चालक दलका सदस्यहरूसहित २४२ जना सवार थिए, जसमध्ये २४१ जनाको मृत्यु भयो ।
केवल एक जना बाँचे । विमानमा १२ जना चालक दलका सदस्य थिए । उडानमा दुई पाइलट र १० जना कर्मचारी थिए । डीजीसीएका अनुसार, यो उडान क्याप्टेन सुमित सभरवाल र प्रथम अधिकारी क्लाइभ कुन्दरले उडाइरहेका थिए ।
मैथिली को बाल्यकालदेखि नै एयर होस्टेस बन्ने सपना
मैथिली पाटिल महाराष्ट्रको रायगड जिल्लाको पनवेल तालुकाको न्हावा गाउँकी बासिन्दा थिइन् । गत बिहीबार (१२ जुन) मैथिली अहमदाबादमा ड्युटीमा थिइन् । उनी मुम्बईबाट लन्डन जाने एयर इन्डियाको उडान नम्बर एआई–१७१ मा कार्यरत थिइन् । त्यसैले उनी मुम्बईबाट अहमदाबाद पुगिन् र ११ जुनमा ड्युटीमा सामेल भइन् ।
दिउँसो विमान दुर्घटनाको खबर पाउने बित्तिकै मैथिलीको परिवारमा चिन्ताले सतायो । मैथिलीको कुनै खबर नआएपछि उनीहरू अहमदाबादको यात्रा गरे । मैथिलीको परिवारमा उनका आमाबाबु, दुई दिदीबहिनी र एक भाइ छन् । मैथिली जेठी छोरी थिइन् ।
न्हावा गाउँको टीएस रहमान स्कूलबाट १२ कक्षासम्म पढेकी मैथिलीको बाल्यकालदेखि नै एयर होस्टेस बन्ने सपना थियो । उनको घरको आर्थिक अवस्था त्यती राम्रो थिएन । उनले सामान्य परिस्थितिमा आफ्नो पढाई पूरा गरिन् र त्यसपछि एयर इन्डियामा काम गर्न थालिन् ।
दुर्घटनापछि मैथिलीको बारेमा कुरा गर्दै उनका आफन्त तथा न्हावा गाउँका पूर्वसरपञ्च जितेन्द्र म्हात्रेले भने, ‘मैथिलीले धेरै कम स्रोतसाधनमा आफ्नो शिक्षा पूरा गरिन् र एयर होस्टेस बनिन्, यो घटनाले हामीलाई स्तब्ध बनाएको छ, हाम्रो परिवारका केही सदस्य अहमदाबाद गएका छन्, हामी सरकार र प्रशासनलाई अनुरोध गर्दछौँ कि मैथिली त फर्कने छैनन् तर पनि परिवारलाई सहानुमूती मिलोस् ।’
मैथिली पाटिलका बुबा पनवेल नजिकै ओएनजीसीमा काम गर्छन् । मैथिलीका स्कूलकी प्राध्यापक (प्रिन्सिपल) डेजी पलले मैथिली पाटिललाई सम्झँदै भनिन्, ‘उनी धेरै शान्त, अनुशासित, बुद्धिमान र खुसी विद्यार्थी थिइन् ।’
पलले दुई महिनाअघि विद्यालयले पूर्व विद्यार्थीहरूलाई आमन्त्रित गरेको र त्यसपछि उनी त्यहाँ आएको स्मरण गरिन् । उनले विद्यार्थीहरूलाई मार्गदर्शन गरिन् र यस क्षेत्रमा करियर तथा भविष्यका अवसरहरूको बारेमा बताएकी थिइन् ।
विमान उडान भरेको केही समयमै दुर्घटना
बिहीबार एयर इन्डियाको उडान एआई– १७१ अहमदाबादबाट लन्डनको ग्याटविक जाँदै थियो । तर उडान भरेको केही समयमै विमान दुर्घटनामा पर्यो ।
विमान होस्टेलमा खस्यो । एक अस्पताल कर्मचारीले भने, ‘घटनापछि जताततै कालो धुवाँ फैलियो, त्यहाँ शवहरू लडिरहेका थिए, यो घटनाले मलाई २००१ को भूकम्पको सम्झना गरायो ।’
टाटा समूहले यस दुर्घटनामा गहिरो दुःख व्यक्त गरेको छ । टाटा सन्सका अध्यक्ष एन चन्द्रशेखरनले सामाजिक सञ्जाल ‘एक्स’ मा एक पोस्टमा भनेका छन्, ‘उनको कम्पनीले दुर्घटनामा मृत्यु भएका प्रत्येक व्यक्तिको परिवारलाई १ करोड रुपैयाँ सहयोग गर्नेछ ।’
टाटा समूहले घाइतेहरूको उपचारको खर्च पनि बेहोर्ने स्पष्ट पारेको छ । चन्द्रशेखरनले बीजे मेडिकल कलेजको होस्टेल भवनको पुनः निर्माणमा सहयोग गर्ने पनि बताएका छन् ।– बीबीसी हिन्दी
प्रतिक्रिया