भारतले गर्यो ट्रम्पको दाबी अस्वीकार, भएन व्यापारमा कुनै वार्ता

काठमाडौं । पाकिस्तान र भारतको द्वन्द्व रोक्न अमेरिकी राष्ट्रपति डोनाल्ड ट्रम्पले युद्धविरामको घोषणा गरेको दाबीलाई अस्वीकार गरेको छ । भारतीय विदेश मन्त्रालयका प्रवक्ता रणधीर जयसवालले ट्रम्पको दाबीलाई अस्वीकार गरेको बताएका हुन् ।

विदेश मन्त्रालयका प्रवक्ता जयसवालले पाकिस्तान विरुद्धको सैन्य द्वन्द्वको समयमा भारत अमेरिकासँग निरन्तर सम्पर्कमा रहेको स्वीकार गरे । तर यस अवधिमा व्यापारमा कुनै वार्ता भएन।

साप्ताहिक पत्रकार सम्मेलनमा जयस्वालले भने, ‘भारत र अमेरिकाका नेताहरूबीच मे ७ देखि मे १० सम्म वार्ता भएको थियो, तर व्यापारमा कुनै छलफल भएन ।’

उल्लेखनीय छ कि भारत र पाकिस्तान बीच चार दिनसम्म चलेको द्वन्द्वपछि, मे १० शनिबार अमेरिकी राष्ट्रपति ट्रम्पले अमेरिकाको मध्यस्थतापछि भारत र पाकिस्तान युद्धविराम गर्न सहमत भएको दाबी गरे ।

‘केही समयपछि पाकिस्तानले पनि युद्धविरामको बारेमा कुरा गर्यो र अमेरिकालाई धन्यवाद दियो, जयस्वालले ट्रम्पको दाबीलाई अस्वीकार गर्दै भने, ‘अमेरिकासँग पाकिस्तान सैन्य द्वन्द्व रोक्ने वा मध्यस्थताको बारेमा कुनै छलफल भएको छैन ।’

उनले पाकिस्तान विरुद्ध सैन्य कारबाही रोक्ने बारेमा विस्तृत विवरण दिए । उनले भने, ‘भारतले मे ६ र ७ को मध्यरातमा पाकिस्तानका चुनिएका स्थानहरूमा आक्रमण गर्यो, यी तिनै आतंकवादी संरचनाहरू थिए जहाँबाट प्रशिक्षित आतंककारीहरूले भारत र विश्वका धेरै भागहरूमा निर्दोष मानिसहरूको हत्या गर्थे ।’

उनले भने, ‘१० मे बिहान, जब भारतले पाकिस्तानका धेरै एयरबेसहरूलाई निशाना बनाएर ध्वस्त पारेको थियो, भारतीय विदेश मन्त्रालयलाई १२ः३७ बजे पाकिस्तान उच्चायोगबाट यस सम्बन्धमा अनुरोध प्राप्त भयो, पाकिस्तानका डीजीएमओद्वारा हटलाइनमा सम्पर्क गर्ने प्रयास गरिएको थियो, तर प्राविधिक कारणले गर्दा हटलाइनमा समस्याहरू थिए, यसपछि, यी समस्याहरू समाधान भए र ३ः३० बजे दुवै देशका डीजीएमओहरू बीच कुराकानी भयो ।’

जयस्वालले भने कि पहलगाम आक्रमण पछि स्थगित गरिएको सिन्धु जल सन्धि पाकिस्तानले आतंकवादलाई समर्थन पूर्ण रूपमा बन्द नगरेसम्म निलम्बन रहनेछ ।