महालक्ष्मी विकास बैंकका २ विजेता घोषित

काठमाडौँ । महालक्ष्मी विकास बैंकले डिजिटल बैंकिङको प्रवद्र्धन तथा डिजिटल भुक्तानीको प्रयोगलाई प्रोत्साहन गर्ने उद्देश्य अनुरूप सञ्चालन गरेको ‘नेपाल दसैँ अभियान २०२४’ को विजेताहरू घोषणा गरिएको छ । डिजिटल भुक्तानीको माध्यमहरूबाट कारोबार गराउने तथा उपलब्ध डिजिटल भुक्तानीका माध्यमहरूको अधिकतम प्रयोग होस् भन्ने उद्देश्य अनुरूप सञ्चालन गरिएको अभियानअन्तर्गत महालक्ष्मी भिसा कार्डमार्फत कारोबार गरेका विजेताहरू घोषणा गरिएको हो ।

विजेताहरू क्रमशः नारायण कार्की र सन्तोष ध्वज कार्की रहेका छन् । यसअन्तर्गत विजेताहरूहरूले माल्दिभ्सको बाली वा श्रीलंकाको कोलम्बो मध्ये कुनै एक स्थानको विशेष भ्रमण गर्ने अवसर प्राप्त गर्नेछन् । नेपालभरबाट उक्त अभियानमा ग्राहकहरूको उल्लेख्य सहभागिता रहेको थियो । यस किसिमको अभियानबाट ग्राहकहरूको नवीनतम भुक्तानीका माध्यमहरूको प्रयोग गर्ने चाहानालाई थप अभिवृद्धि गर्न सहयोग पुग्ने विश्वास बैंकले लिएको छ ।