कपिलवस्तु मेयर्स क्लबद्वारा प्रमुख जिल्ला अधिकारी आचार्यको बिदाई

कपिलवस्तु । दश महिने बसाई पछि सुर्खेत सरुवा भई जान लागेका कपिलवस्तुका प्रमुख जिल्ला अधिकारी शंकरहरि आचार्यलाई बिदाई गरिएको छ । कपिलवस्तु नगरपालिकास्थित मेयर कक्षमा फेरि भेटौला कार्यक्रम अन्तर्गत कपिलवस्तु मेयर्स क्लवले बिदाई गरेको हो ।

जिल्ला समन्वय समितिका प्रमुख बावुराम आचार्य, क्वलका अध्यक्ष तथा बुद्धभुमी नगरपालिकाका मेयर केशव कुमार श्रेष्ठ, कपिलवस्तु नगरपालिकाका मेयर सुदिप पौडेल, महाराजगंज नगरपालिकाका मेयर अब्दुल कलाम, बाणगंगा नगरपालिकाका मेयर चक्र अर्याल, सुद्धोदन गाउपालिका मेयर कमलेशरण चौधरी सहीतको टोलीले प्रअिज आचार्यलाई बिदाई गरेका हुन ।

आचार्यलाई उनीहरुले खादा र टीका लगाई मायाको चिनो समेत प्रदान गरेका थिए । आचार्य सुर्खेत सरुवा भएपछि यहाँ नवलपरासी पश्चिमबाट प्रमूख जिल्ला अधिकारी विश्वप्रकाश अर्याल आउने भएका छन ।