काठमाडौं । बागमती प्रदेशका पुर्व मुख्यमन्त्री तथा प्रतिनिधीसभा सदस्य राजेन्द्रप्रसाद पाण्डेले सिन्धुलीमा निर्माणाधिन रासायनिक मल कारखानाको फाईल प्रधानमन्त्री पुष्पकमल दाहाल ‘प्रचण्ड’ लाई हस्तान्तरण गरेका छन् ।
बुधबार सिंहदरवारस्थतीत प्रधानमन्त्री कार्यालयमै पुगेर पाण्डेले उक्त फाईल प्रधानमन्त्री प्रचण्डलाई हस्तान्तरण गरेका हुन् । आफू मुख्यमन्त्री रहेका बेला पाण्डेले थाइल्याण्डको एक कम्पनीसँग सहकार्य गरेर रासायनिक मल कारखाना खोल्ने प्रक्रिया अगाडि बढाउने निर्णय गरेका थिए ।
उद्योग स्थापनाका लागि सिन्धुलीको हरिहरपुरगढी गाँउपालिका–३ स्थीत बागमती नदी किनारको ३८६ विघा जग्गा छनोटसमेत भइसकेको छ । त्यस्तै सांसद पाण्डेले प्रदेश सरकारको मन्त्रीपरिषद्बाट उक्त विषयमा निर्णय भई औद्योगिक क्षेत्र निर्माणका लागि हाल सम्भाव्यता अध्ययन सम्पन्न भई हाल कारखाना निर्माणकार्य अघि बढिरहेकाले केन्द्र सरकारको तर्फबाट आवश्यक पहल गरिदिन आग्रहसहित प्रधानमन्त्रीसमक्ष फाईल हस्तान्तरण गरेका हुन् ।
प्रधानमन्त्री दाहाललाई फाईल हस्तान्तरण गर्दै पाण्डेले उद्योग स्थापना पश्चात् आगामी दिनमा रासायनिक मलको हाहाकार नहुने भन्दै त्यसका लागी छोटो समयमै उद्योग स्थापना हुने वातावरण मिलाईदिन समेत आग्रह गरे ।
‘अहिलेको अवस्थामा हाम्रो देसमा १० देखि १२ लाख मेट्रिक टन मल चाहिन्छ, त्यसका लागि हामिसंग केही समयअघि थाइल्यान्डको मेहाछाद ईन्टरनेशनल कम्पनीसंग सम्झौतासमेत गरिसकेका छौँ, उसले दुई लाख मेट्रिक टन मल उत्पादन गर्ने प्रतिबद्धता पनि जनाइसकेको छ, अब उद्योग स्थापना हुने स्थानको भूमि व्यवस्थापन गर्ने कार्य मन्त्रीपरिषद्ले गर्नुपर्ने छ, त्यसका लागि प्रधानमन्त्री ज्यूले पहल गर्नका लागि अनुरोध गर्दछु’, प्रचण्डसमक्ष आग्रह गर्दै पाण्डेले भने ।
पाण्डेका अनुसार उद्योग स्थापनाका लागि गत ०७९ पुष ६ गते बागमती प्रदेश सरकारले सिन्धुलीको हरिहरपुरगढी गाँउपालिका– ३ स्थीत बागमती नदी किनारको ३८६ विघा जग्गासमेत छनोट भइसकेको छ ।
कारखाना स्थापनाका लागि सम्बन्धीत स्थानीय तह हरिहरपुरगढी गाँउपालिकासंग आवश्यक प्रक्रिया टुङ्ग्याईसकिएको छ । उद्योग स्थापनाका लागि थाई कम्पनीसँग सम्झौतासमेत भइसकेकाले अव मन्त्रीपरिषद्बाट उक्त स्थानको जग्गा लिजमा दिने व्यवस्था मिलाउन पर्नेछ । त्यसका लागि प्रधानमन्त्रीले पहल गर्नुपर्ने उनले बताए ।
राष्ट्रिय तथा अन्तर्राष्ट्रिय क्षेत्रमै अहिले रासायनिक मलको अभाव रहेको तथा सरकारले किसानलाई महंगोमा मल उपलब्ध गर्नुपरेकाले कारखाना स्थापना पस्चात् सस्तो मुल्यमै किसानलाई मल उपलव्ध गराउन सकिने उनको भनाई थियो ।
उता सांसद पाण्डेको आग्रहलाई प्रधानमन्त्री प्रचण्डले आगामी मन्त्रिपरिषद् बैठकमा छलफल गरी निर्णय गर्ने प्रतिवद्धता व्यक्त गरेका छन् । मुख्यमन्त्री रहेका बेला पाण्डे स्वयंले केन्द्र सरकारमा सबै कागजात पेश भइसकेकाले यसअघी नै त्यस विषयमा प्ररम्भिक छलफल भइसकेकाले रासायनिक मल उद्योग स्थापनाका लागि सरकारले प्रक्रिया अघि बढाईसकेको भन्दै प्रधानमन्त्री प्रचण्डले ढुक्क हुन पाण्डेलाई प्रतिबद्धता व्यक्त गरे ।
त्यस्तै यसअघि नै प्रतिनिधिसभाको अर्थ समितिको बैठकमा पनि मन्त्रालयले गरेको प्रारम्भिक अध्ययनमा मल कारखाना स्थापनाका लागि रु एक खर्ब २५ अर्ब लागत अनुमान गरिसकिएको पनि उनले जानकारी दिए ।
दुई लाख मेट्रिक टन मल उत्पादन गर्ने उद्योग मुलुकका प्रत्येक प्रदेशमा स्थापना गरे लागत र ढुवानी खर्चमा पनि कम हुने प्रधानमन्त्री प्रचण्डले उल्लेख गरे । राष्ट्रिय तथा अन्तराष्ट्रिय क्षेत्रमै अहिले रासायनिक मलको अभाव रहेकाले उद्योग स्थापना पस्चात् सरकारले किसानलाई सस्तोमा अनुदान उपलब्ध गराउन सहज हुने पनि प्रचण्डले बताए ।
धादिङ
प्रतिक्रिया