खोजखबर

आजको मौसम: तराईमा हुस्सु, पहाडी क्षेत्रमा बदली हुने

सौर्य अनलाइन २०७७ माघ ४ गते ८:३२ मा प्रकाशित

काठमाडौं । अहिले प्रदेश १, बागमती र गण्डकी प्रदेशका पहाडी क्षेत्रमा आंशिकदेखि सामान्य बदली भएको छ भने तराईमा हुस्सु तथा कुहिरो लागेको छ । देशको उत्तरी बंगलादेश र आसपासमा बनेको न्युन चापीय प्रणालीको सामान्य प्रभाव रहेको मौसम पूर्वानुमान महाशाखाले जनाएको छ ।

यस्तै, आज दिउँसो प्रदेश नं १, बागमती र गण्डकी प्रदेशका पहाडी भू-भागहरूमा आंशिक देखि सामान्य बदली रही देशका बाँकि भू-भागमा मौसम सामान्यतया सफा रहनेछ भने आज राती देशका पहाडी भू-भागमा आंशिक बदली रही देशका बाँकि भू-भागमा मौसम सामान्यतया सफा रहने महाशाखाले जनाएको छ। अहिले सामान्य बदली रहेको काठमाडौं उपत्यकामा दिउँसो घाम लाग्ने मौसमविदहरुले बताएका छन् ।

यसैबीच आज बिहान काठमाडौं उपत्यकाको न्यूनतम तापक्रम ८.८ डिग्री सेल्सियस मापन गरिएको छ भने अधिकतम तापक्रम १८ देखि २० डिग्री सेल्सियस हुने अनुमान गरिएको छ ।

प्रतिक्रिया

पछिल्ला अपडेट्स

लोकप्रिय