अर्थबजार

सानिमा नारी बचत खाता सञ्चालनमा

सौर्य अनलाइन २०७६ फागुन २ गते ८:०९ मा प्रकाशित

काठमाडौं । सानिमा बैंक लिमिटेडले सानिमा नारी बचत खाता सञ्चालनमा ल्याएको छ । ‘बचत आफ्नो लागि सहयोग नारीको लागि’ भन्ने उद्देश्यका साथ बैंकले ल्याएको यस योजनामा हरेक नारी बचत खाताबापत बैंकले आफ्नो तर्फबाट मासिक रूपमा एक रूपैयाँ विपन्न वर्गका महिलाको उत्थान तथा स्वास्थ्य उपचारमा उपयोग गर्दै आएको छ ।

महिलाले आफ्नो लागि नारी बचत खाता खोल्दा सो खाताबाट नारीकै हितको लागि रकम प्रयोग गरिने हुनाले हरेक नारीले सानिमा बैंकमा खाता खोल्दा अप्रत्यक्ष रूपमा अन्य विपन्न वर्गका नारीको लागि सहयोग पुग्ने विश्वास बैंकले लिएको छ ।

यस सँगै प्रविधियुक्त बैंकिङ तथा नगदरहित कारोबारलाई प्रोत्साहन गर्नको लागि बैंकका नारी खातावाहक ग्राहकले बैंकको डेबिट कार्डबाट बिल भुक्तानी गर्दा हरेक शनिबार १५५ क्यासब्याक वा अधिकतम् ५ सयसम्म छुट प्रदान गर्ने भएको छ ।

जसबाट हरेक महिना सामान खरिदमा २००० सम्म बचत गर्न सकिनेछ । उक्त क्यासब्याक योजना ०७६ फागुनदेखि २०७७ वैशाखसम्म तीन महिनाको लागि लागू हुनेछ ।.

प्रतिक्रिया

पछिल्ला अपडेट्स

लोकप्रिय