मुलपानीमा सनराइज बैंकको शाखा विस्तार

काठमाडौं । सनराइज बैंकले मुलपानीमा नयाँ शाखा सञ्चालनमा ल्याएको छ ।

बुधबार आयोजित औपचारिक कार्यक्रममा कागेश्वरी मनोहरा नगरपालिकाको मेयर कृष्णहरि थापा र सनराइज बैंकका निमित्त प्रमुख कार्यकारी अधिकृत आशाराणा अधिकारीले संयुक्त रूपमा उद्घाटन गरे ।सो कार्यक्रममा सनराइज बैंकका नायव महाप्रबन्धक अपछकुमार यादव लगायत बैंकका पदाधिकारीको उपस्थिति रहेको थियो ।

यो समेत गरी बैंकको शाखा संख्या १ सय ७ वटा पुगेको छ । साथै बैंकले नेपाल अधिराज्य भर ३३ वटा शाखारहित बैंकिङ सेवा, ४ वटा एक्सटेन्सन काउन्टर र १ सय २२ वटा एटिएममार्फत ५ लाखभन्दा बढी ग्राहकहरूलाई सेवा प्रदान गर्दै आइरहेको छ ।¬