समस्या बन्दै अश्लील सामग्री

बेइजिङ । चीनमा सामाजिक सञ्जालमा देखिने अश्लील सामग्रीहरू समस्याको रूपमा देखापरेको छ । यसलाई नियन्त्रण गर्ने जिम्मेवारी रहेको केन्द्रीय स्तरको एक निकायले पछिल्लो समय १२ कामोत्तेजक सामग्री नियन्त्रण गर्न निकै कसरत गर्नुपरेको बताएको छ। चीनको सार्वजनिक सुरक्षा मन्त्रालयले लामो समय लगाएर यस बारेमा अनुसन्धान गरेको अधिकारीहरूले जानकारी दिएका छन् ।

अश्लील सामग्री तथा अवैध प्रकाशनविरुद्धको राष्ट्रिय कार्यालयले वि–च्याट, क्युक्युजस्ता सामाजिक सञ्जालबाट सांसदहरूले नै यस्ता सामग्रीहरूको वितरण गरेका पाइएको जनाएको छ । पूर्वी चीनको जिआङसु प्रान्तमा पर्ने एक ठाउँमा अश्लील दृश्य प्रत्यक्ष प्रसारण गरिरहने रंगमञ्चबाट पछिल्लो समय ५२ जनालाई पक्राउ गरिएको छ ।

अर्को घटनाअनुसार चीनको झेजिआङ प्रान्तमा वेबसाइटमा अश्लील सामग्री पोस्ट गरेर त्यसको लिंक वि–च्याटको १ सय २६ ग्रुपमा पठाउने व्यक्तिहरूलाई पक्राउ गरिएको छ । यस्ता काममा संलग्नहरूले मासिक लाखौँ अमेरिकी डलर बराबरको रकम अवैध रूपमा कमाउने गरेको पाइएको अनुसन्धानमा संलग्न अधिकारीहरूले बताएका छन् ।

अनुसन्धानकर्ताहरूले अश्लील सामग्रीहरूको प्रत्यक्ष प्रसारणमा अधिकांश सांसदहरू नै संलग्न रहेको पाइएको भए पनि इन्टरनेट प्रोटोकल ठेगाना तथा सामाजिक सञ्जालमा प्रयोग भएका नाम तथा अन्य विवरण उनीहरूले परिवर्तन गरी सजायबाट उम्किने गरेका पाइएको बताइएको छ ।