फिदिमकाे साम्दिन घुम्तीमा आगलागी

पाँचथर । फिदिम नगरपालिका–२ साम्दिन घुम्तीस्थित दिलकुमारी राईको घरमा आज अपरान्ह आगलागी हुँदा जलेर नष्ट भएको छ । आगलागीमा राईका श्रीमान जयप्रकाश राई घाइते भएका छन् ।

घाइते राईलाई थप उपचारका लागि झापा पठाइएकाे छ । आगलागीमा परी किराना पसल तथा होटल रहेको राईको र घर जलेर नष्ट भएको छ । आगलागीमा सो घरमा रहेका धनमाल, लत्ताकपडा तथा पसलका सामग्री समेत जलेका छन् ।

फिदिम नगरपालिकाका बारुणयन्त्रको मद्दतमा तीन वटै सुरक्षा निकायका सुरक्षाकर्मी तथा स्थानीयवासीले आगो नियन्त्रणमा लिएका थिए । आगलागीको कारण र भएको क्षतिको विवरण आउन बाँकी छ ।

कृष्ण ओझा

पाँचथर