दोस्रो खेलमा नेपाल वेस्टइण्डिजसँग १० रनले हार्यो

काठमाडौं । टी–२० क्रिकेटअन्तर्गत आज दोस्रो खेलमा नेपाल टेष्ट राष्ट्र वेस्टइण्डिज ‘ए’सँग १० रनले हारेको छ । खेलअघि टस जितेर पहिला ब्याटिङ गरेको वेस्टइण्डिज ‘ए’ ले दोस्रो खेलमा घरेलु टोली नेपाललाई १० रनले हराएको हो । योसँगै पाँच खेलको टी– २० सिरिज १–१ को बराबरी अवस्थामा पुगेको छ ।

वेस्टइण्डिजले दिएको १६१ रनको लक्ष्य पछ्याएको नेपालले २० ओभरमा ९ विकेट गुमाउँदै १५० रनमात्र बनायो । नेपालका लागि कप्तान रोहित पौडेलले ४८ बलमा ६ चौका र २ छक्कासहित ७१ रनमा नट आउट रहे ।

गुलशन झा ११ बलमा ३ चौका र २ छक्ककासहित २६ रन तथा लोकेश बम १६ बलमा १ चौका र २ छक्कासहित १७ रनमा आउट भए । ओपनर अनिल साह १, कुशल मल्ल शून्य, आरिफ शेख १२ र दीपेन्द्रसिंह ऐरी ३ रनमा आउट भए ।

वेस्टइण्डिजका लागि ओबेद म्याककोयले ४ ओभरमा २४ रन खर्चेर २ विकेट लिए । गुडाकेश मोतीले ४ ओभरमा २२ रन खर्चेर २ विकेट लिए । ओशान थोमस र रोस्टन चेशले १९१ विकेट लिए ।

अन्तिम ओभरमा नेपाललाई १७ रन जित्नलाई चाहिँएको थियो । स्ट्राइकमा रोहित पौडेल र बलरमा म्याथ्यु फर्ड थिए । पहिलो बल योर्करमा डट र दोस्रो बल फिल्डरको गल्तीमा स्टेटमा चौका भएको थियो । तेस्रो बलमा आकाश दुई रन लिने धुनमा रन आउट भए ।

चौथो बलमा सागर ढकालले १ रन लिए । त्यसपछि बाँकी दुई बलमा ११ रन चाहिँएको थियो । पाँचौं बलमा रोहितले लङअनमा सट खेलेपनि रन लिएनन् । नेपालको हार पक्का बनेको थियो । अन्तिम बल डट खेले ।

त्यसअघि त्रिवि क्रिकेट मैदानमा टस जितेर पहिला ब्याटिङ रोजेको वेस्टइण्डिज ‘ए’ ले २० ओभरमा ७ विकेट गुमाउँदै १६० रन बनाएको थियो । वेस्ट इण्डिजका आन्द्रे फ्लेचरले ३६ बलमा ३ छक्कासहित सर्वाधिक ४३ रनको योगदान दिए ।

स्पिन अलराउन्डर गुडाकेश मोतीले तल्लोक्रममा ८ बलमा २ चौका र ४ छक्कासहित ३३ रन जोड्दै प्रतिस्पर्धात्मक योगफल तयार पारे । म्याथ्यु फर्ड ६ बलमा १ छक्कासहित ११ रनमा नट आउट रहे ।

तेस्रो ओभरमा स्पिनर सागर ढकालले जोनसन चाल्र्सलाई ११ र एलिक एथानाजेलाई ६ रनमा आउट गरेका थिए । त्यसपछि कुनैपनि समय वेस्टइन्डिजले आक्रामक क्रिकेट खेल्न सकेका थिएनन् ।

रोश्टन चेश, २२ बलमा २ चौका र १ छक्कासहित २३, केसी कार्टी १०, किमो पल ८ र हेयडन वाल्स ९ रनमा आउट भए । अन्तिम २ ओभरमा वेस्टइन्डिजले ४१ रन जोडेको थियो ।

नेपालका स्पिनर सागर ढकालले ४ ओभरमा १९ रन खर्चेर २ विकेट लिए । कुशल भुर्तेलले ४ ओभरमा २२ रन खर्चेर २ विकेट लिए । सोमपाल कामी र दीपेन्द्रसिंह ऐरीले १–१ विकेट लिए ।

पाँच खेलको सिरिजमा नेपाल १–० ले अघि थियो । शनिबार पहिलो खेलमा नेपालले वेस्ट इण्डिजलाई ४ विकेटले हराएको थियो । तेस्रो खेल बुधबार, चौथो खेल बिहीबार र अन्तिम खेल शनिबार हुनेछ ।

टी–२० विश्वकपको तयारीमा रहेका दुवै टोलीले यो खेललाई महत्वपूर्ण रूपमा लिएका छन् ।पालसँग मैत्रीपूर्ण टी–२० क्रिकेट शृङ्खला खेल्न वेस्ट इण्डिजको ‘ए’ टोली नेपाल आएको हो ।