बिन्दबासिनी गाउँपालिकामा विद्यालय स्तरीय खेलकुद प्रतियोगिता सुरू

पर्सा । पर्साको बिन्दबासिनी गाउँपालिकामा विद्यालय स्तरीय खेलकुद २०८० प्रतियोगिताको उद्घाटन गरिको छ । ‘स्वास्थ्यको लागि खेल’ भन्ने नाराका साथ सुरु विद्यालय स्तरीय खेलकुद २०८० प्रतियोगिताको भव्य समारोहका बीच गाउँपालिका अध्यक्ष एवं प्रमुख अतिथि प्रमोद तिवारीले माध्यमिक विद्यालय झौवाँगुठीको चौरमा हुने प्रतियोगिताको उद्घाटन गरे ।

अध्यक्ष तिवारीले विद्यालय स्तरीय खेलकुद २०८० प्रतियोगितामा खेलाडीहरूको लागि महान उत्सव भएको बताए । खेलकुदले नयाँ नयाँ प्रतिभा तयार गर्ने उनले विश्वास व्यक्त गरे । प्रतियोगिताले बिन्दबासिनी गाउँपालिकालाई खेल पर्यटनको गन्तव्यका रुपमा स्थापित गर्न योगदान गर्ने उनले बताए । आत्मविश्वास र उच्च मनोबलका साथ खेलमा सहभागी बन्न आग्रह गर्दै उनले सबै खेलाडी विद्यार्थीहरुलाई सफलताको शुभकामना व्यक्त गरे । खेल क्षेत्रलाई समयानुकुल रुपमा विकास गर्दै लैजानुपर्ने बताउँदै उनले विद्यमान समस्याहरूलाई समाधान गर्दै जानुपर्नेमा जोड दिए ।

विद्यालय स्तरीय खेलकुद प्रतियोगिता आउँदो माघ २४ गतेसम्म हुने गाउँपालिका शिक्षा शाखा प्रमुख कपिल लामिछानेले बताए । यो खेलमा गाउँपालिका अन्तर्गतका १४ वटा विद्यालयहरुले भाग लिएका छन् ।

बिन्दबासिनी गाउँपालिकाको सहयोग र शिक्षा शाखाको आयोजनामा सुरु भएको विद्यालय स्तरीय खेलकुद प्रतियोगितामा तीन किसिमका खेल भइरहेको छ । विद्यालय स्तरीय खेलकुद २०८० प्रतियोगितामा म्युजिकल सेयर खेलमा १४ वटा विद्यालय सहभागी छन् भने शोर्ट फुटमा ५ वटा विद्यालय र जेब्लिङ थ्रोमा ५ विद्यालय सहभागी भएका छन् ।

उद्घाटनकाे दिन शुक्रबार भएको खेलमा म्युजिकल शेयर तर्फको खेलमा छात्र टीमबाट झौवा मावि प्रथम, दलित प्राथमिक विद्यालय इटीयाहि दोश्रो र नेपाल राष्ट्रिय प्राथमिक विद्यालय अमरपट्टी तेश्रो भएको छ । त्यस्तै छात्रा तर्फको खेलमा प्रावि प्रसौनी प्रथम, प्रावि मध्वल दोश्रो र भगवती बागड प्रावि गर्दौल तेश्रो भएकाे छ ।

सर्तफुट तर्फको खेलमा छात्र टीमबाट मावि झौव प्रथम, मसुरुर आधारभूत विद्यालय प्रसौनी दोश्रो र मावि बहुवर्वा तेश्रो भएकाे छ। त्यस्तै, छात्रा तर्फको खेलमा मावि झौवा प्रथम, मसुरुर आधारभूत विद्यालय प्रसौनी दोश्रो र मावि बहुवर्वा तेश्रो भएका छन् ।

जेबलिङ तर्फको खेलमा छात्र टीमबाट मसुरुर आधारभूत विद्यालय प्रसौनी प्रथम, मावि झौंवा दोश्रो र मावि बहुवर्वा तेश्रो भयाे । त्यस्तै छात्रा तर्फको खेलमा स्काउट निमावि इटीयाही प्रथम, मावि झौवाँ दोश्रो रमावि बहुवर्वा तेश्रो भयाे ।

विद्यालय प्रधानध्यापक रामचन्द्र महतोको अध्यक्षतामा भएको कार्यक्रममा गाउँपालिकाका प्रमुख प्रशासकीय अधिकृत राकेश ओझा, लेखा प्रमुख मिथलेश कुशवाहा, इलाका प्रहरी कार्यालय पोखरीया पर्साका प्रहरी निरीक्षक मोहनबिक्रम केसी, शसस्त्र प्रहरी बल अमरपट्टीका प्रहरी निरीक्षक सागर मल्ल, गाउँपालिका अन्तर्गत विद्यालयका प्रधानाध्यापक, शिक्षक, शिक्षिका, विद्यार्थी लगायतको उपस्थिति रहेको थियो । कार्यक्रम सहजीकरण प्रधानध्यापक मुक्लेश गद्दीले गरेका थिए ।

प्रतिक्रिया