महोत्तरी प्रहरीद्वारा ४० हजार गाँजाको बोट नष्ट

महोत्तरी । महोत्तरी प्रहरीले दुई विघामा लगाइएको अवैध गाँजा खेती नष्ट गरेको छ । एकडारा पालिका–५ बहेरामा दुई विघामा लगाइएको अवैध गाँजा खेती बिहीवार प्रहरीले नष्ट गरेको हो ।

दुई विघा जग्गामा लगाइएको अन्दाजी ४० हजार गाँजाको बोट फडानी गरी स्थानीय भरभलादमीको उपस्थितिमा नष्ट गरेको महोत्तरीका प्रहरी प्रवक्ता डिएसपी दिलीपकुमार गिरीले जानकारी दिए । गाँजा खेती कस-कसले गरेको थियो भन्ने विषयमा अनुसन्धान गरिरहेको डिएसपी गिरीले बताए ।

ममता विश्वकर्मा

महाेत्तरी