डेंगु नियन्त्रणका लागि बिरामी र कुरुवालाई अस्पतालमै अभिमुखीकरण

लमजुङ । देशका विभिन्न ठाउँमा डेंगु संक्रमण फैलिएसँगै लमजुङमा पनि यसको जोखिम बढेपछि जिल्ला अस्पताल लमजुङमा डेंगु रोग नियन्त्रण तथा रोकथामका सम्बन्धमा अभिमुखीकरण गरिएको छ । जिल्लामा पछिल्लो समय डेंगुको संक्रमण बढ्दै गएपछि जोखिम कम गर्न र जिल्लाबासीलाई थप सतर्कता अपनाउनका लागि अस्पतालमा भर्न भएर बसेका बिरामी र बिरामी कुरुवालाई सचेतना जगाउने, उद्देश्यका साथ अभिमुखीकरण कार्यक्रम आयोजना गरिएको जिल्ला अस्पताल लमजुङका प्रमुख हेमन्त श्रेष्ठले बताए ।

अस्पतलाका डा. मनोज यादव र जिल्ला अस्पताल लमजुङका सामाजिक सेवा विभाग प्रमुख शोभा ठकुरीले डेंगु रोगबाट कसरी बच्न सकिन्छ, बच्नका लागि घरवरपर पानी जम्ने ठाउँको सरसफाई गर्नुपर्ने, लामखुट्टेको अण्डा र लार्भा नष्ट कसरी गर्ने लगायतबारे जानकारी गराएका थिए ।

उनका अन्ुसार साउन महिना र भदौ महिनामा करिब चार सय जनामा डेंगु परीक्षण गर्दा २५ जनामा पोजेटिभ आएको बताए । जो भर्ना भई बस्नुपर्ने भएका बिरामीहरूको लागि जिल्ला अस्पतालले विभिन्न अभिमुखीकरण दिएसँगै बिरामीहरूलाई झुलभित्र सुत्ने व्यवस्था मिलाई सेवा दिँदै आएको जिल्ला अस्पताल लमजुङले जनाएको छ ।

प्रतिक्रिया