खेल-खेलाडी

विश्वकप महिला क्रिकेट छनोट : नेपालले पहिला बलिङ गर्दै

सौर्य अनलाइन २०७८ मंसिर १० गते ११:५५ मा प्रकाशित

काठमाडौं । संयुक्त अरब इमिरेट्स (युएई) मा जारी आइसीसी महिला टी–ट्वान्टी विश्वकप क्रिकेट एसिया छनोटअन्तर्गत नेपालले आज मलेसियाविरुद्धको खेलमा पहिले बलिङ गर्ने भएको छ ।

दुबईको आइसीसी एकेडेमी मैदानमा कप्तान रुविना क्षेत्री बेलबासेले टस जितेर पहिला फिल्डिङ गर्ने निर्णय लिएपछि नेपालले पहिला बलिङ गर्ने भएको हो ।

ग्लोबल छनोटको सम्भावना कायमै राख्नका लागि नेपालले आज मलेसियाविरुद्धको खेल जित्नै पर्ने बाध्यता छ । छनोटअन्तर्गत यसअघि खेलिएका तीन खेलमध्ये नेपालले दुई खेलमा जित तथा एक खेलमा हार बेहोरेको छ ।

नेपाल पहिलो खेलमा हङहङसँग ६ विकेटले पराजित भएको थियो भने दोस्रो खेलमा नेपालले भुटानलाई आठ विकेटले पराजित गरेको थियो ।

त्यस्तै तेस्रो खेलमा नेपालले कुवेतलाई ९ विकेटले पराजित गरेको थियो । नेपालको चार अङ्क छ । यता मलेसियाले भने तीन खेलमध्ये एक खेलमा जित हात पारेको छ । मलेसियाको दुई अङ्क छ ।

प्रतिक्रिया

पछिल्ला अपडेट्स

लोकप्रिय