नेपालमा विस्तार हुदैं टोस्टमास्टर्स

काठमाडौं । पछिल्ला केहि वर्ष यता नेपालमा टोस्टमासटर्सको मुभमेन्ट तिब्र गतिमा बिस्तार भईरहेको छ । अघिल्लो वर्ष १२ क्लबमा रहेको टोस्ट मास्टर्सले हाल ६ वटा क्लबहरु थपेर यसको संख्या १८ पु¥याएको छ । हालै थपिएका क्लबहरुमा प्रोफेशनल टोस्टमास्टर्स क्लब, फाउण्डर्स टोस्टमास्टर्स क्लब, गण्डकी टोस्टमाटर्स क्लब, पोखरा टोस्टमास्टर्स क्लब, धरान टोस्टमास्टर्स क्लब तथा बानेश्वर टोस्टमास्टर्स क्लब रहेका छन् । यस वृद्धिसँगै टोस्ट मास्टर्स पोखरा र धरानमा पनि विस्तार भएको छ । क्लबहरुको संख्यामा वृद्धिसँगै नेपालमा टोस्मास्टर्स सदस्यको संख्या ५०० भन्दा बढि नाघेको छ ।

नेपाल डिस्ट्रिक ४१ को हिस्सा हो जुन विश्वकै उत्कृष्ट डिस्ट्रिक मध्यको एक हो । यस विस्तार र डिस्ट्रिकमा बलियो पकडसँगै नेपाली टोस्टमास्टर्सहरुले अन्तर्राष्ट्रिय एक्सपोजर पाईरहेको छ । डिस्टिङ्गुईष्ट टोस्टमास्टर रञ्जीत आचार्य डिस्ट्रिक४१ को शीर्ष ३ नेतृत्व स्तरमा चयन भएका छन । जुन भारत (उत्तर भारत, दिल्ली, उत्तर प्रदेश), नेपाल, बंग्लादेश र भुटानमा फैलिएको छ ।