धादिङमा जीप दुर्घटना, पाँचको मृत्यु, दश घाइते

धादिङ । गल्छी गाउँपालिका ६ को बाझगाउँमा आज जीप दुर्घटना हुँदा पाँचको जनाको मृत्यु भएको छ भने अन्य दश जना घाइते भएका छन् ।

उक्त दुर्घटनामा जीप सडकबाट करीव २० मिटर तल खसेर चार जनाको घटनास्थलमै मृत्यु भएको धादिङ प्रहरीले जनाएको छ । कच्ची सडक र साँघुरो घुम्तीमा चालकले जीप नियन्त्रणमा लिन नसक्दा दुर्घटना भएको प्रहरीले अनुमान गरेको छ ।

वैरेनीतर्फ जाँदै गरेको बा १८ च ९४०८ नम्बरको जीप दुर्घटनाका घाइते दश जनाको धादिङको गल्छी, धार्केका विभिन्न अस्पताल र गम्भीर घाइतेहरुलाई भने काठमाडौँ पठाएको प्रहरीले बताएको छ ।

प्रहरीका अनुसार दुर्घटनामा सोही गाउँपालिकाको वडा नं.६ का २५ वर्षीया नानु तामाङ,सोही ठाउँका ३० वर्षीया कान्छी भजुेल, वडा नं. ४ का ३८ वर्षीय सेते मिजार, सोही ठाउँका २५ वर्षीय राजु रम्तेलको घटनास्थलमा नै मृत्यु भएको थियाे भने २१ वर्षीया समीक्षा अधिकारीको उपचारका क्रममा अस्पताल लैजादै गर्दा बाटोमै मृत्यु भएको हो ।