दिपेशको ‘जुनकिरी’ सार्वजनिक

काठमाडौं । नवगायक दिपेश लामाले ‘जुनकिरी’ बोलको गीतमार्फत नेपाली सांगीतिक क्षेत्रमा डेब्यु गरेका छन् । जुनकिरी गीतको शब्द डिपी खनालको रहेको छ भने देवेश राईको एरेन्ज रहेको छ ।

गायक दिपेशको व्यक्तिगत युट्युबमार्फत सार्वजनिक गरिएको गीतको भिडियोमा लक्ष्मी गुरुङ र गायक दिपेशको अभिनय छ । दिपेशले यस अगाडि ‘द भ्वाइस अफ नेपाल’ बाट चर्चा कमाएका थिए ।

उनले भ्वाइसमा नारायण गोपालको मुना मदन र ‘के भन्ने हाम्रो समय’ प्रस्तुत गरेका थिए । यसका साथै उनी ‘द ब्रदरहुड’ ब्यान्डसँग समेत आबद्ध छन् ।