बार्सिलोना, २ जेठ । स्पेनिस ला–लिगाको यस सिजनको उपाधि बार्सिलोनाले जितेको छ । शनिबार राती भएको लिगको अन्तिम खेलमा ग्रानाडालाई ३–० ले हराएर बार्सिलोनाले उपाधि हात पा¥यो । उपाधि दाबेदार रियल मड्रिडले लिगको आफ्नो अन्तिम खेलमा डिप्रोटिभो डीला कोरुनालाई २–० ले हराए पनि बार्सिलोनाले उपाधि जित्यो । बार्सिलोनाको जितमा नायक बनेका लुइस स्वारेजले ह्याट्रिक पूरा गरे ।
स्वारेजले पहिलो हाफको २२औँ मिनेटमा गोल गर्दै अग्रता दिलाए । स्वारेजले पहिलो हाफकै ३८औँ मिनेटमा व्यक्तिगत दोस्रो गोल गरे । पहिलो हाफमा बार्सिलोना २–० ले अगाडि रह्यो । स्वारेजले नै दोस्रो हाफको ८६औँ मिनेटमा गोल गर्दै ह्याट्रिक पूरा गरे । उनको ह्याट्रिकसँगै जित हात पारेको बार्सिलोनाले रियलले स्तब्ध पार्दै उपाधि आफ्नो बनायो । ला–लिगामा सर्वाधिक ४० गोल गरेका स्वारेजले गोल्डेन बुट आफ्नो नाममा गरे ।
ला–लिगाको डिफेन्डिङ च्याम्पियनसमेत रहेको बार्सिलोनाले लगातार दोस्रोपटक उपाधि जित्यो । बार्सिलोनाले ला–लिगाका पछिल्लो ५ खेलमा लगातार जित निकाल्दै उपाधि जितेको हो । ला–लिगाको उपाधि दावेदार रियल मड्रिडले अन्तिम खेलमा डिप्रोटिभो डी ला कोरुनालाई हराए पनि बार्सिलोनाको जितले सपना अधुरै रह्यो । बार्सिलोना पराजित भएको भए उपाधि रियलको पोल्टामा जाने थियो । मड्रिडको जितमा सुरुआतीमै गोल गर्दै क्रिस्टियानो रोनाल्डोले उत्कृष्ट अग्रता दिलाए । रोनाल्डोले २ गोल गर्दै डिप्रोटिभोलाई २–० ले हराए । रोनाल्डोले सातौँ मिनेटमा गोल गर्दै रियल मड्रिडलाई सुरुआती अग्रता दिलाए । पुनः उनले नै पहिलो हाफको २५औँ मिनेटमा गोल गर्दै अग्रता दोब्बर पारे । त्यसपछि मड्रिड डिप्रोटिभोविरुद्ध हाबी हुने देखिए पनि डिप्रोटिभोले रियललाई थप गोल गर्न दिएन । रोनाल्डोले यो सिजन ला–लिगामा ३५ गोल गरे ।
मड्रिडले ला–लिगाका पछिल्ला १२ खेलमा लगातार जित निकाले पनि उपाधिका लागि पर्याप्त भएन । बार्सिलोनाले रियललाई १ अंकले पछि पार्दै उपाधि उचाल्यो । बार्सिलोनाले २४ पटक ला–लिगाको उपाधि जितेका छ । मड्रिड भने २४ पटक नै उपविजेता बन्न बाध्य भयो । च्याम्पियन बार्सिलोनाको ९१ तथा उपविजेतामा सीमित भएको मड्रिडको ९० अंक भयो । मड्रिडले भने सन् २०११–१२ को सिजनमा ला–लिगाको उपाधि जितेको थियो ।
प्रतिक्रिया