३ हजार ६ सय किलो सुपारी वरामद

झापा, १६ कात्तिक । झापाको नाकलवन्दस्थित हंशु मन्दिर अगाडिबाट प्रहरीला ठूलो परिमाणमा सुपारी बरामद गरेको छ ।
बुधबार राति इलाका प्रहरी कार्यालय काकडभिट्टाबाट खटिएको प्रहरी टोलीले ७३ वटा बोरामा रहेको ३ हजार ६ सय ५० किलो सुख्खा सुपारी बरामद गरेको प्रहरीले जनाएको छ ।
मेची नगरपालिका–१०, नकलवन्द जाने बाटोमा रहेको हंशु मन्दिर अगाडि पुग्दा अवैध रुपमा भंसार छलि भारततर्फ सुपारी लैजाँदै गरेका व्यक्तिहरले प्रहरी टोलीलाई देख्नासाथ छाडेर भागेका थिए ।
सुपारी छाडेर फरार व्यक्तिहरुको खोजी भईरहेको प्रहरीले जनाएको छ ।