सिद्धबाबा सडकखण्डमा पहिरो खस्याे, मोटरसाइकलमा सवारकाे मृत्यु

काठमाडौँ । पाल्पाको तिनाउ गाउँपालिकास्थित हेडबक्स नजिकै आज दिउँसो खसेको पहिरोमा परी एक मोटरसाइकल चालकको मृत्यु भएको छ ।

अविरल वर्षापछि आज दिउँसो सिद्धार्थ राजमार्ग अन्तर्गत सिद्धबाबा सडकखण्डमा माथिबाट खसेको पहिरोमा परेर मोटरसाइकल चालक पाल्पाको मित्याल गाउँपालिका ९ का ३२ वर्षीय धनवहादुर सुनारी मगरको मृत्यु भएको हो ।

लु ५० प ४६७१ नम्बरको मोटरसाइकलमा बुटवलबाट पाल्पा जाँदै गरेका सुनारी मगर एक्कासी माथिबाट खसेको पहिरोमा परेर ज्यान गएको ट्राफिक प्रहरी कार्यालय बुटवलले जनाएको छ । उक्त पहिरोका कारण बुटवल–पाल्पा सडकखण्ड अवरुद्ध भएको बताइएको छ ।