काठमाडौं । भारतीय चर्चित कमेडियन सुनिल ग्रोवर नेपाल आउने भएका छन् । उनी २९ नोभेम्बरमा होटल एभरेस्टको मैदानमा हुने कमेडी कार्यक्रम ‘सुनिल ग्रोवर लाइभ इन नेपाल’ कार्यक्रमका लागि नेपाल आउने बताइएको छ ।
कमेडियन ग्रोवरले आफू नेपालमा कार्यक्रम गर्न लागेको सामाजिक सञ्जालबाट सार्वजनिक गरेका छन् । उनले स्टेजमा आफ्नो कमेडी प्रत्यक्ष हेर्न र हास्न समेत तयार रहन अनुरोध गरेका छन् ।
कार्यक्रमका लागि आफू उत्साहित रहेको उनले जनाएका छन् । ‘सुनिल ग्रोवर लाइभ इन नेपाल’ लिक्वीट इन्टिलिजेन्सले आयोजना गर्न लागेको हो ।
ग्रोवर कमेडी शो ‘द कपील शर्मा शो’ मार्फत चर्चामा आएका कलाकार हुन् । उनले शोमा ‘रिन्कु भाबी’ र ‘डा. महसुर गुलाटी’को रूपमा दर्शकको मन जितेका थिए । ग्रोवर यसअघि वि.सं २०७४ मा पनि नेपाल आएका थिए ।
प्रतिक्रिया